新圍 (龍躍頭)

出自維基百科,自由嘅百科全書
Jump to navigation Jump to search
覲龍圍門樓
覲龍圍門樓裏面嘅空地

新圍又叫覲龍圍,喺香港新界粉嶺龍躍頭,係龍躍頭鄧族聚居嘅圍村,係龍躍頭「五圍六村」之一。圍村門樓喺1988年被評為香港法定古蹟,圍牆同更樓則喺1993年被評為法定古蹟。

[編輯]

龍躍頭鄧族係由錦田鄧族分支出嚟,據聞喺14世紀已經喺度起村,圍村門樓嘅石額刻住「覲龍乾隆甲子歲」字樣,所以圍牆可能喺嗰年(乾隆甲子年,即1744年)先至起。

結構[編輯]

覲龍圍四面用磚牆環繞,大約四米高,用青磚砌成,牆身有鎗孔,四角起咗更樓,供看守之用,門樓喺北面,係獨特嘅兩進式建築結構,外圍用磨平青麻石砌成,樓頂有四正脊成船形裝飾,圍門裝咗連環鐵門,並且有對聯寫住「覲龍綿世澤 郡馬著家聲」。原本有護城河圍住條村,但而家已填平做咗停車場。圍裏面布局基本依舊,正中主巷盡頭係神壇,供奉文武二帝,同正門相對。圍裏面啲舊屋已經拆咗,起咗新型村屋。

睇埋[編輯]

出面網頁[編輯]