新聞特別節目

新聞特別節目係指電視台或廣播電台喺發生重大事件或災害時臨時修改正常節目安排，播出嘅特別節目。對24個鐘新聞頻道嚟講，即使發生突發新聞，對節目內容嘅變動亦可能只限於修改原本安排。未必會改節目表。但對於綜合頻道嚟講，由於修改原本播出安排意味住需要停播原本預計播出嘅廣告，所以除非極為重大嘅新聞，好少播出新聞特別節目。而未播出廣告嘅公共廣播比商業廣播更易編排新聞特別節目。