日本捕鯨

日本船日新丸號捉咗條鯨魚同鯨魚BB上船劏，個牌話 “Legal research under the ICRW”（根據國際捕鯨公約，研究合法）

日本人喺12世紀開始捉鯨魚，1890年期間日本將捉鯨魚工業化，同當時好多國家一樣有規模咁樣捉鯨魚。史上日本人捉鯨魚遠超佢嘅水域。

20世紀，日本大規模投資捕鯨業，直至國際捕鯨委員會喺1986年禁止為止。而日本繼續以科學研究做理由，用日本鯨類研究所嘅名義繼續捉鯨魚。而劏出嚟嘅鯨魚肉就會賣畀酒樓同埋舖頭。雖然喺國際捕鯨委員會嘅協議之下係可以，不過大多數嘅成員國都反對。2014年三月國際法庭裁定日本喺南大洋捉鯨魚，唔係為咗科學研究，同時禁止日本定喺南大洋繼續捉鯨魚。

出海捉鯨魚成為支持捉鯨同埋反對者嘅衝突點。環保組織、科學家同埋一啲國家反對日本捕鯨，覺得所謂嘅科學研究係冇必要，實質上只係為咗做生意嘅商業捕鯨。

日本咁講：捉鯨係可持續嘅，同埋需要科學數據去管理鯨魚嘅數目，重話反對者純粹係基於文化上嘅唔同，同埋感性咁將鯨魚擬人化。