崑曲

崑曲

崑曲，又叫崑劇，係中國一種戲曲，起源自元末明初嘅蘇州崑山，並喺蘇州、上海、無錫一帶廣泛流傳到依家。

崑劇係中國最古老嘅劇種，所以又叫做「百戲之祖」。崑劇係用崑曲呢種唱腔去演出傳奇雜劇嘅舞台表演，就好似粵劇同埋粵曲嘅關係一樣。同粵劇、粵曲一樣，崑劇同埋崑曲呢兩個詞語有時會互用，例如講崑曲嘅時候，有時其實係講緊崑劇。 崑劇基本上屬於南戲系統，所以佢用返好多南戲嘅角色行當、體制，佢同時亦都融合咗北雜劇嘅特點，以生、旦、淨、末、醜、外、貼呢七種基礎角色去演繹。 而崑劇唱嘅崑曲係中國最古老嘅戲曲聲腔，喺元未明初喺江蘇崑山一帶流行嘅唱腔，叫做「崑山腔」，佢係「崑山腔」吸收咗其他聲腔（尤其係北曲）嘅優點，改造同埋發展出嚟。