朱祁鎮

朱祁鎮畫像

朱祁鎮（1427年11月29號—1464年2月23號）係大明第六個皇帝，分別1435年到1449年（年號正統）同埋1457年到1464年（年號天順）兩度在位，跟廟號叫明英宗，係大明歷史上嘅唯一一位兩朝天子。

生平

朱祁鎮係明宣宗個仔。1435年正月，明宣宗過身，嗰陣得7歲嘅朱祁鎮繼位，就係明英宗，改下一年做正統元年。英宗做皇帝嘅初期由張太皇太后輔政，內閣由三楊（楊士奇、楊榮同楊溥）主持。

正統七年（1442年），張太皇太后過身。

正統十四年（1449年），瓦剌軍入侵明朝國境，英宗帶住五十萬大軍御駕親征，喺土木堡畀瓦剌軍打敗，英宗畀瓦剌捉咗。喺北京嘅大臣立咗英宗嘅細佬朱祁鈺做皇帝，就係景帝。

瓦剌後尾放番英宗返去，之後景帝將英宗韞喺皇宮入面。1457年景帝得咗重病上唔到朝，畀石亨等人發動「奪門之變」擁立英宗做番皇帝，改元「天順」，景帝冇耐就死咗。英宗做番皇帝之後就處死于謙。

1464年英宗過身，佢喺遺詔度廢除將冇仔女嘅後宮殉葬嘅舊習。佢個仔朱見深繼位，就係明憲宗。