朱祁鎮

出自維基百科,自由嘅百科全書
朱祁鎮畫像

朱祁鎮1427年11月29號1464年2月23號)係大明第六個皇帝,分別1435年1449年(年號正統)同埋1457年1464年(年號天順)兩度在位,跟廟號明英宗,係大明歷史上嘅唯一一位兩朝天子。

生平[編輯]

朱祁鎮係明宣宗個仔。1435年正月,明宣宗過身,嗰陣得7歲嘅朱祁鎮繼位,就係明英宗,改下一年做正統元年。英宗做皇帝嘅初期由張太皇太后輔政,內閣由三楊(楊士奇楊榮楊溥)主持。

正統七年(1442年),張太皇太后過身。

正統十四年(1449年),瓦剌軍入侵明朝國境,英宗帶住五十萬大軍御駕親征,喺土木堡畀瓦剌軍打敗,英宗畀瓦剌捉咗。喺北京嘅大臣立咗英宗嘅細佬朱祁鈺做皇帝,就係景帝。

瓦剌後尾放番英宗返去,之後景帝將英宗韞喺皇宮入面。1457年景帝得咗重病上唔到朝,畀石亨等人發動「奪門之變」擁立英宗做番皇帝,改元「天順」,景帝冇耐就死咗。英宗做番皇帝之後就處死于謙

1464年英宗過身,佢喺遺詔度廢除將冇仔女嘅後宮殉葬嘅舊習。佢個仔朱見深繼位,就係明憲宗。