易卜劣斯
易卜劣斯，亞拉伯話 Iblīs ( إبليس )，解壞人，喺伊斯蘭教信仰裡面嘅惡魔。
易卜劣斯出自伊斯蘭教經典《古籣經》，據講，易卜劣斯係亞拉用火造出嚟，屬於一種精靈，喺亞拉創造人類祖先亞丹之後，就叫所有天使向亞丹下跪，唯獨易卜劣斯唔肯跪，結果畀亞拉鬧佢叛逆，原本要罰佢入火獄，但因為佢向亞拉求請，亞拉就應承喺末日審判之後先罰佢入火獄，結果佢就喺呢段期間，就係咁誘啲人犯罪，等審判日有人陪佢一齊入火獄。
易卜劣斯有時又會叫晒依陀乃(Shaitan)，亦即係撒旦，惡魔之首，喺《古籣經》入面有時會同易卜劣斯同義，晒依陀乃呢個字係嚟自希伯來文 Satan ，意思係「抗拒者」。
精靈
[編輯]易卜劣斯係精靈嘅一種，即係古亞拉伯神話入面嘅鎮尼(Jinn)，伊斯蘭教承認精靈嘅存在，呢啲精靈性格殘暴，住喺人跡罕至嘅地方，對人存有敵意，根據《古籣經》講，精靈係亞拉用無煙之火造出嚟，當中有好有壞，而精靈嘅始祖就叫做迦尼(Jann)
參考
[編輯]- 《伊斯蘭教小辭典》 上海辭書出版社 ISBN 7-5326-2033-6/B78