尋日
(由昨跳轉過嚟)
尋日，又寫成噚日、擒日或琴日，即係今日之前嘅一日。原本淨係講日光日白嘅時間，尋日嘅夜晚通常只係講尋晚或者尋日晚。文言寫做昨或者昨日。
讀法、寫法
[編輯]「尋日」、「擒日」係最常見嘅寫法，亦有寫做「琴日」[1]。讀法有啲唔同，「尋」讀「cam4」；擒、琴讀「kam4」。《生活粵語本字趣談》話「尋日」本字係「昨冥日」。【尋】字係由兩個字「昨冥」合埋變出嚟[2]（即合音），亦有話係「昨暝日」[3]，亦有話本字係「昨晚日」[4][5]。
尋日個「cam4」字嘅本字係仲未有定案。更有人話係「昨今日」。程垓所著宋詞《蝶戀花》[6]內用過「尋日尋花花不語」，其中「尋日」係指無幾耐之前嘅日子。[7]
註
[編輯]- ↑ 張勵妍、倪列懷 (1999)。《《港式廣州話詞典》》。萬里機構．萬里書店。頁 177。ISBN 962-14-1457-1。
- ↑ 陳伯煇、吳偉雄 (1998)。《《生活粵語本字趣談》》。中華書局(香港)有限公司。頁 64–65。ISBN 962-231-894-0。
- ↑ 「最緊要正字」 到底（琴）日係咪正字？
- ↑ 李如龍（1997），再說“聽日”和“琴日”及詞彙音變，《第五屆國際粵方言研討會論文集》，暨南大學出版社。（簡體原文[失咗效嘅鏈]）
- ↑ 【粤语系专业课】再说广州话『听日』和『琴日』及词汇音变
- ↑ 蝶戀花（七）（程垓 宋詞）[失咗效嘅鏈]
- ↑ 【古文解惑】世外桃源 疑幻疑真
 |