月孛

至近同至遠，至遠月孛時，月亦會細一啲，暗一啲。反之則更大更光。

月之橢圓軌道及旋轉。橢圓至遠一處為月孛。此圖誇張咗橢圖，實無咁扁。

由極望落來。有輕微橢圓。

月孛，月環地球運行時，至遠地之處。月所行並非完美圓形，而係有輕微橢圓，故此有遠近之分，而至遠之處，按星體運動定律，會行得慢咗，阻慢而暗淡之故，稱為月孛。孛為不好星象。月孛由西域占星引入大唐，同春秋戰國時講孛無關。當然，古時並無依啲概念，只知月行得慢一啲。

占星來講，月孛都當做星，運行於天，虛星一種。印度占星有之外，唐宋演化做七政四餘。月孛同羅喉、計都、紫炁，都為七政四餘虛星。按，炁為道教之氣專寫。傳說為仙人張果老所創四餘，寫喺果老星宗。道教抬月孛而化神，叫月孛星君。