有政府唔驚
有政府唔驚係2020年1月尾，武漢肺炎疫情擴散去到中國唔同地方嗰陣，有線新聞中國組記者走訪農曆年前開業嘅廣州花市採訪片段嘅一句說話[1]。當中一班阿叔阿嬸，表現得完全唔擔心疫情，兩位「大媽」向鏡頭手舞足蹈用廣東話高叫「唔驚！有政府，有政府唔驚！」[2]。記者問係咪連口罩都唔使戴，個大嬸就答，「唔戴！身體健康！年年有今日！相信政府！」[1]。香港網民恥笑佢哋言論[3]，呢次訪問片段同截圖製成貼圖廣傳，衍生唔少改圖[4]。
之後，有傳片段入面一名着粉紅衫嘅大媽已經因為染病死咗，佢老公上網發文之後亦被公安帶走，但消息並未得到證實[5]。
參考[編輯]
- ↑ 1.0 1.1 〈她喊「信政府不戴罩」！廣州大媽驚傳染病…夫揭死訊疑遭逮〉. 《三立新聞》 (臺灣中文). 2020-02-10. 喺2021-01-29搵到.
- ↑ 〈「『相信政府』大媽染病去世、丈夫發文被公安帶走」的消息從何而來？〉. 《關鍵評論網》 (臺灣中文). 喺2021-01-29搵到.
- ↑ 〈高呼「相信政府」走紅 傳廣州大媽染疫去世丈夫被抓〉. 《大紀元時報》 (臺灣中文). 2020-02-10. 喺2021-01-29搵到.
- ↑ 〈大媽高呼「相信政府」爆紅！傳已染疫去世 丈夫發文被抓〉. 《壹週刊》 (臺灣中文). 2020-02-10. 原著喺2020-03-23歸檔. 喺2021-01-29搵到.
- ↑ 三立新聞網 (2020-02-10). 〈她喊「信政府不戴罩」！廣州大媽驚傳染病…夫揭死訊疑遭逮 | 政治 | 三立新聞網 SETN.COM〉. www.setn.com (中文). 喺2021-11-20搵到.
