跳去內容

有線新聞主播跳舞片段風波

出自維基百科,自由嘅百科全書

2023年5月,有線新聞梁思齊余茵娜決定離開有線新聞。而喺最後一個工作日,兩位女主播同陳凱筠羅添盈同埋郭希琳喺有線新聞錄影廠跳舞,仲影咗段片留喺IG分享。片段出左街之後,網民反應不一,又引嚟一啲爭議,有線高層唔開心,所以涉事主播緊急刪除咗片段[1][2],有啲傳媒人亦批評女主播做法,但係亦有人聲援佢哋,反而質問有啲人點解對於未經諮詢或香港人同意嘅《港版國安法》落實之下,新聞自由崩壞呢啲更大嘅問題反而唔出聲。

經過[編輯]

2023年5月6號,有線新聞部嘅主播梁家正、余茵娜同梁思齊離開,佢哋一班主播暫時唔再保持平日嘅嚴肅形象,展現開心活潑嘅一面,甚至組成咗個「主播女團」,喺錄影廠新聞佈景面前一齊大跳韓團人氣女團BLACKPINK成員Jisoo 單唱《FLOWER》嘅「開花舞」。3個人仲收到同事送嚟自製嘅花束、紀念卡同埋有佢哋樣貌嘅攬枕。大家都係錄影廠度搞派對,新聞部唔同主播包括梁家正陳書君等都有參與,歡送呢3位主播。「開花舞」片段得到網民嘅瘋傳,當中唔少網民力讚佢哋跳得唔錯。影片就令有線高層不滿,結果引發爭議[3][4]

各界反應[編輯]

偏向批判嘅聲音[編輯]

  • 資深傳媒人黃應士批評:「呢個真係對新聞業嘅侮辱!」(A true disgrace to the craft of journalism!)[5]
  • 浸大新聞系嘅高級講師呂秉權認為,新聞錄影廠一直係一個神聖嘅地方,除咗報道新聞同道出真相,唔應該有其他嘅功能[5]

偏向接納嘅聲音[編輯]

  • 中大新聞及傳播學院嘅講師梁麗娟表示,如果呢個事件係私下影相、拍片,應該唔係大問題,但係上傳去社交平台,仲有新聞機構嘅標誌出現喺片中,嗰個做法就值得考慮。佢講呢個因為年代價值觀轉變,年輕觀眾可能覺得冇咩大問題,佢反問「有冇需要保護形象到咁嚴重?」佢亦形容有啲電視台叫停聘用梁思齊同余茵娜嘅合約係反應過激同埋嚴厲[5]
  • 立法會議員江玉歡喺Facebook度表示,要容納同理解年輕人嘅心態,如果唔影響工作,其實冇需要咁大反應[5][6]
  • ReNews發表評論話,有線本身就有個節目叫《主播視角》,其中有一集就係新聞主播學跳舞。另一方面,而家香港越嚟越多以「資訊」為名嘅「新聞節目」,其實係贊助廣告為主嘅節目。有線新聞亦曾經喺自己錄影廠度拍攝製作宣傳《港版國安法》嘅「新聞節目」,仲由林定國「訪問」中華廠商會會長史立德,內容一面倒宣傳國安法。而新聞自由同人權新聞獎已經停辦,而《蘋果日報》同《立場新聞》都係被香港警察迫住停運,咁多所謂嘅新聞工作者對於真正嘅事唔理唔睬,對大局只字不提,相反卻指控呢啲女主播侮辱新聞專業,到底邊個行為先係真正侮辱新聞專業呢[7]
  • 公民黨前立法會議員陳家洛喺社交媒體批評,主播只係自娛一下,反問呢幾年新聞自由飽受壓力,需要正義嘅化身嗰陣呢啲人又去咗邊度邊[8]

各電視台新聞部後續[編輯]

  • 有線新聞部同now新聞台都喺5月18號號向員工發信息。其中now新聞中文now新聞話由今日開始,禁止員工喺錄影廠度進行任何同新聞播報工作無關嘅活動,包括同事離職嘅拍照留念等都一律禁止。如果導演、工程同其他部門嘅同事見到有人喺廠內進行同播報工作無關嘅活動,就要立即指責佢同叫佢離開,同時強調新聞從業員嘅專業形象要守護。有線新聞嘅新聞同資訊總監關慧玲亦向員工發信,新聞由編採到報道都係專業同埋嚴肅嘅工作,新聞廠唔應該將佢睇做一個嬉笑玩樂嘅舞台[5]
  • 有報道話,余茵娜同梁思齊本來係另一個電視台揾到工作嘅,但係當佢哋公司高層知道佢哋喺新聞錄影廠度跳舞之後,立即叫停咗兩個人嘅聘用合約[6][9]

睇埋[編輯]

參考[編輯]

  1. 何瑞芬 (2023-05-19). 線主播跳開花舞|兩主播過檔另一電視台存變數 講師:反應過激. 港01 (香港中文). 喺2023-05-21搵到.
  2. 三立新聞網 (2023-05-18). 5美女主播嗨跳Jisoo花舞高層不滿聞界恥辱3人集體離職! | 娛樂星聞 | 三立新聞網 SETN.COM. www.setn.com (中文). 喺2023-05-21搵到.
  3. 線新聞三主播同日離職獲同事歡送 跳FLOWER惹管理層不滿. 紀元時報 香港|獨立敢言的良心媒體 (香港中文). 2023-05-18. 喺2023-05-21搵到.
  4. 金秀玲 (2023-05-18). 線新聞一日走三個主播 余茵娜梁思齊同呢個靚仔開心到跳舞?. 港01 (香港中文). 喺2023-05-21搵到.
  5. 5.0 5.1 5.2 5.3 5.4 何瑞芬 (2023-05-19). 線主播跳開花舞|兩主播過檔另一電視台存變數 講師:反應過激. 港01 (香港中文). 喺2023-05-21搵到.
  6. 6.0 6.1 am730 (2023-05-19). Ray Online|有線兩女主播跳花舞出禍 據悉過檔合約被電視台高層叫停. am730 (中文). 喺2023-05-21搵到.
  7. "ReNews". www.facebook.com (英文). 喺2023-05-21搵到.
  8. 播farewell 響直播室跳幾個拍子自娛一下界先驅破口大罵⋯⋯呢幾年新聞自由飽受壓力,需要正義嘅化身嗰陣呢啲去咗邊度?. Facebook (英文). 喺2023-05-21搵到.{{cite web}}: CS1 maint: url-status (link)
  9. 聞小花跳槽失敗|有線梁思齊、余茵娜離職拉隊跳Jisoo舞 新工被叫停拒聘用 | 娛樂. Sundaykiss 香港親子育兒資訊共享平台 (美國英文). 2023-05-19. 喺2023-05-21搵到.