李偉文 (警察)
李偉文，前香港警察，因為喺元朗站襲擊事件當日擔任元朗警區指揮官，被指失職，成為一啲香港反送中運動參與者批評投訴嘅對象[1]。
警隊服役生涯
[編輯]李偉文喺1983年加入香港警察，2017年獲擢升為總警司，曾經做過刑事部支援科[2]，之後調任做元朗警區指揮官，直到2020年2月退休。喺元朗警區工作期間，佢亦有負責一啲警察同非華裔社群聯繫等嘅警民關系社區工作[3][4]。
前後服務警隊37年。經過半年冷河期之後轉職勤豐金控旗下勤豐管理咨詢服務有限公司，獲委任為顧問[1]。
爭議
[編輯]元朗站襲擊事件嘅角色：被舉報觸犯公職人員行為失當罪
[編輯]喺元朗站襲擊事件嗰陣，佢係元朗警區指揮官。但好多被襲擊人士向警察求助，警察都未有理會。結果李偉文同一啲其他相關嘅警務人員，都被唔少反送中運動參與者批評同抗議。關於佢嘅批評，除咗事件本身襲擊咗好多反送中運動嘅示威者外，仲有就係佢本身喺7月21號當日負責部署決定，另外事件之後第二日，佢被批評多番迴避到警署抗議嘅議員同市民。而部分運動參與者，例如民主黨立法會議員林卓廷，之後就舉報觸犯公職人員行為失當罪。不過，由於政府對涉案警務人員嘅調查進度緩慢，所以亦招來呢啲參與者嘅批評[1][5][6]。
喺2020年10月，包括李偉文在內嘅一啲喺反送中運動入面鎮壓示威者嘅警務人員，獲頒授香港警察榮譽獎章，當中政府甚至稱讚李偉文「表現出色，克盡厥職，堪稱典範」，林卓廷亦批評，唔追究佢嘅李偉文刑事責任，反而對佢嘉許，咁樣會令警察更加有恃無恐[5]。
參考
[編輯]- ↑ 1.0 1.1 1.2 陳淑霞 (2020-11-02)。〈721時任元朗指揮官李偉文退休9個月「轉跑道」 加盟顧問公司〉。《香港01》 (香港中文)。喺2022-08-10搵到。
- ↑ 〈警隊加強與精神上無行為能力人士社群交流〉。www.police.gov.hk。喺2022-08-10搵到。
- ↑ 〈元朗警區加強與非華裔社群聯繫〉。www.police.gov.hk。喺2022-08-10搵到。
- ↑ 〈元朗警區人員出席伊斯蘭齋戒月開齋晚宴〉。www.police.gov.hk。喺2022-08-10搵到。
- ↑ 5.0 5.1 〈7.21指揮官縱暴封「典範」 林卓廷轟荒誕︰警必更有恃無恐 | 蘋果日報•聞庫〉。《聞庫》。2020-10-09。喺2022-08-10搵到。
- ↑ Pao, Ming。〈泛民元朗警署抗議縱容黑幫 區議員：向之求救 警車即開走〉。www.mingpaocanada.com (英文)。喺2022-08-10搵到。