李彥宏俾人淋水事件

出自維基百科,自由嘅百科全書

李彥宏俾人淋水事件係發生喺北京嘅一單公開個人示威事件。事發喺2019年7月3號上晝,一微博網友專登自費到2019年百度AI開發者大會,喺百度創始人、董事長首席執行官李彥宏上台演講嗰陣,跟著行上去將一樽礦泉水兜頭淋落李彥宏度,由於當事人一路有喺微博報告行程,事件得到社會唔少關注。

經過[編輯]

準備過程[編輯]

2019年7月1號,新浪微博名為「直男上樹」嘅用家發佈內容為「聽日去北京。」嘅微博,仲加埋7月2號運城北北京西嘅D2004次列車嘅訂單嘅相同埋2019年百度AI開發者大會嘅參會門票張相,車票同門票嘅訂購人係「程冠旗」。7月2日,條友又發微博話「老婆送我到公交站,佢唔知道我要做乜。」就喺8:10從運城北站出發咗,15:01抵達北京西站。之後條友去咗國家會議中心,並發微博「就喺呢度」。7月3日上晝,條友到咗會議地點,耐唔耐就發條微博,話「排喺前便,霸個好位。」「跟住工作人員提前混咗入嚟。」「嚟咗一堆學生扯貓尾,彩排緊。」「大部隊入嚟喇」「嚟咗唔少人添。」「佢上嚟喇」「小度小度[註 1],如果我淋你老世李彥宏一頭水,會有乜後果?」「我準備上去喇」。[1][2]

淋水[編輯]

2019年百度AI開發者大會喺7月3號到4號喺國家會議中心召開。李彥宏喺7月3號9點30分到10點進行開場主題演講。[3]李彥宏講緊自主泊車解決方案進展時,一個男人右手攞住樽怡寶礦泉水快步行去李彥宏嗰度,將支水樽倒立喺李彥宏頭頂上,啲水就淋到李彥宏頭上。同時佢左手撳住李彥宏嘅左手,唔畀佢反抗。李彥宏本能噉低頭,俾淋咗水後用左手擦洗面部,同時對住條已落咗台下條友講:“What's your problem?”(「你有問題啊?」)[註 2]之後現場陷入沉默,幾個工作人員快步行到淋水者度。李彥宏清咗下喉嚨,之後台下有觀眾嗌「李彥宏加油」,全體觀眾拍手掌。有啲觀眾起身睇現場係乜情況。掌聲過後,李彥宏話:「大家睇到喺AI前進嘅道路上都係會有各種各樣諗唔到嘅事情會發生。」觀眾又拍手掌,李彥宏繼續講:「但係我哋前行嘅決心唔會改變,我哋堅信AI會改變每一個人嘅生活。」觀眾再次拍手掌。跟住,淋水者俾安保控制。[5][6][7][8]朝阳警方接到報警後,對嫌疑人因尋釁滋事(即係嫽交嗌、搞搞震嘅意思)處以行政拘留5日嘅處罰。[9][10]

各方反應[編輯]

百度[編輯]

北京時間7月3號11時15分,百度發微博,話「今日AI開發者大會上,有人為AI『沖淡水』。我哋想講,AI前進嘅道路上會有各種各樣想像唔到嘅事情發生,但我哋前行嘅決心唔會改變。」當日22時34分,百度發咗篇長微博聲明,話「激到好嬲,並強烈譴責搞事者嘅行為」。[11]百度亦都否認呢單嘢係自導自演嘅可能性。

事發之後,喺百度圖片搵「李彥宏俾淋水」之類嘅關鍵都顯示冇結果。[12]

輿論[編輯]

事發之後,李彥宏俾淋水後講出嘅「What's your problem?」俾網友攞嚟講笑,譬如估如果雷軍俾淋水,佢可能就會講「Are you OK?」[13]網友仲化用成語造咗「宏顏獲水」、「水掉哥頭」、「礦濕奇才」啲詞。[14][15]淘寶有賣家仲販售印有「宏顏獲水」嘅T恤同手機殼[16]。另外,「淋水門」事件喺搜索引擎填報志願事件(即係喺百度搵中國內地高考志願填報嘅相關資訊,佢最上便嘅結果係佢自家嘅收費填志願嘅廣告)發生幾日之後又一次引發咗網民對百度的非議[17]

[編輯]

  1. 小度係由百度開發嘅一款人工智能語音助手
  2. 據《麥克米倫詞典》(Macmillan Dictionary)嘅解釋:「(what's your problem)用於以威脅性語氣詢問對方點解以你唔贊成或唔中意嘅方式做嘢。」[4]

睇埋[編輯]

參考[編輯]

  1. 李彦宏泼水者社交账号曝光 曾预告准备上台(视频). 新浪科技. 2019-07-03. 原先內容歸檔喺2019-07-03. 喺2019-07-03搵到.
  2. 王倩; 李晓光 (2019-07-03). 彦宏遭泼水湿身演讲35分钟!百度,"What's your problem?" (簡體中文). 商学院杂志. 原先內容歸檔喺2019-07-04. 喺2019-07-04搵到.
  3. 度AI开发者大会主论坛议程. 百度. 原先內容歸檔喺2018-10-11. 喺2019-07-03搵到.
  4. "what's your problem? (phrase) definition and synonyms". Macmillan Dictionary (英文). Springer Nature. 原先內容歸檔喺2018-05-14. 喺2019-07-05搵到.
  5. Baraniuk, Chris (2019-07-03). "Baidu chief doused with water at AI event". BBC News (英文). 原先內容歸檔喺2019-07-04. 喺2019-07-04搵到.
  6. 彦宏遭泼水:What's your problem?. (簡體中文). 2019-07-03. 原先內容歸檔喺2019-07-04. 喺2019-07-04搵到.
  7. 雪梅 (2019-07-03). 击百度AI开发者大会李彦宏被泼水 淡定化解(视频) (簡體中文). 新浪科技. 原先內容歸檔喺2019-07-04. 喺2019-07-04搵到. {{cite news}}: Cite has empty unknown parameter: |1= (help)
  8. 宁佳彦, 編 (2019-07-03). 度李彦宏演讲现场被泼:AI前进路上会有各种想不到 (簡體中文). 第一财经. 原先內容歸檔喺2019-07-04. 喺2019-07-04搵到.
  9. 苏泓珵_NBJ9980, 編 (2019-07-04). 子在百度AI大会向李彦宏浇水 涉寻衅滋事被拘5日. (簡體中文). 平安朝阳. 原先內容歸檔喺2019-07-04. 喺2019-07-04搵到.
  10. . (簡體中文). 2019-07-04. 原先內容歸檔喺2019-07-04. 喺2019-07-04搵到.
  11. . 新浪科技. 2019-07-03. 原先內容歸檔喺2019-07-03. 喺2019-07-03搵到.
  12. 度上输入"李彦宏被泼水",搜不到现场照片. 2019-07-03. 喺2019-07-04搵到.
  13. 刘兴亮 (2019-07-03). . 搜狐. 原先內容歸檔喺2019-07-03. 喺2019-07-03搵到.
  14. 手机中国 (2019-07-03). 度回应泼冷水 "凶手"预谋已久/行动代号"水掉哥头". 搜狐. 原先內容歸檔喺2019-07-03. 喺2019-07-03搵到.
  15. 朝晖 (2019-07-03). 颜获水火了!泼水者身份曝光 疑似李彦宏山西老乡. 快科技. 原先內容歸檔喺2019-07-03. 喺2019-07-03搵到.
  16. 李彦宏被泼水上热搜:宏颜获水T恤火速上架淘宝
  17. . 南方网. 2019-07-04. 喺2019-07-04搵到.

出面網頁[編輯]