李德麟

  呢篇文講餐廳扒王之王創辦人。想搵證券商嘅話，請睇李德麟 (證券商)。

李德麟（Andrew Lee），係香港連鎖式餐廳扒王之王同埋明新超市創辦人，香港出世，祖籍上海，亦係香港息影女星林珍奇老公。

事業

1970年代，李德麟喺美國經營凍肉生意。1999年，李德麟以佢批發凍肉嘅經驗，決定進軍飲食界，喺九龍紅磡開設扒王之王主力賣牛扒，取得成功，其後不斷喺香港各區開設分店。截至2006年中，扒王之王有36間分店。曾經同張宇人合夥擁有馬匹好好食（好食團體名下）。

政治取態

因為商界有一同名親中派人士李德麟，有人一度誤會佢地係同一人。不過喺2019年香港修例風波過幾個月，佢同扒王之王都無出過聲，所以未遭到泛民主派杯葛，但係呢段時間扒王之王進入衰落期。

屋企

1979年，已婚嘅佢邂逅赴美深造嘅息影女星林珍奇。1982年辦完離婚手續後，佢同林珍奇結婚，其後生咗1仔1女，個女李依琳做過藝人。