李湛（809年7月22號—827年1月9號），係大唐第十三位皇帝（唔計武則天），824年到827年在位，跟廟號叫唐敬宗。
李湛即位後，繼承咗老豆唐穆宗奢侈荒淫嘅本性。沉迷擊鞠（古代馬球），鍾意喺半夜喺宮中捉狐狸，史稱「視朝月不再三，大臣罕得進見」。宦官王守澄把持朝政，勾結權臣李逢吉，排斥異己，敗壞綱紀。結果搞到官府工匠搞暴動，攻入宮廷。後來俾宦官劉克明等人殺死。
