李玟之死

李玟（2009年7月）

歌手李玟喺2023年7月5號離世，由於佢生前喺中國，香港同台灣都享有知名度，所以佢嘅離世引起咗各地一定程度關注，其中包括針對李玟生前政治立場嘅討論，李玟同佢老公生前嘅感情糾紛，同埋佢參與《中國好聲音》嘅時候被欺凌嘅經歷。

針對李玟生前政治立場嘅討論

李玟曾經公開支持北京政府。2022年8月，美國眾議院議長佩洛西訪問台灣，李玟就喺社交媒體公開表示「中國人要團結！不要讓外人干涉咱們！」，當時就被網友反問「你有美國籍欸」。另外，佢亦曾經參與音樂類真人騷《聲生不息》，節目內容被指篡改香港同廣東歌歷史。

而去到佢離世嘅時候，台灣媒體同網民都一面倒表示婉惜，但喺香港，媒體同網民就比較有唔同嘅反應，有啲網民表示婉惜，亦有啲網民同報導重提佢嘅政治立場，對佢嘅離世表示無感覺，或者指控揶揄佢投共嘅行為。

李玟同佢老公生前嘅感情糾紛

李玟離世之前，同佢老公Bruce（樂裕民）發生感情糾紛，當中兩名繼女都被指企喺爸爸而唔係李玟嗰邊，而另外佢老公亦被指有婚外情。有啲人覺得係李玟老公令佢患上抑鬱症害死佢，甚至有樂迷喺李玟嘅告別式公開鬧佢老公。不過，佢老公之後就否認指控。

身後被揭發喺《中國好聲音》節目組裡面被欺凌

李玟離世之後，佢控訴《中國好聲音》嘅爭議鬧大，一段網上流傳嘅錄音該節目唔單止遭爆賽制不公，更加喺李玟忍著腿傷喺舞台上跌傷嘅時候，遭到製作單位貶低諷刺。《中國好聲音》製作組就表示，話涉及嘅畫面片段係惡意剪輯，並表示同李玟嘅誤會當下就和解，但有啲網民就表示唔接受。