李紫彤
| 李紫彤 | |
|---|---|
 李紫彤 | |
| 出世 | 台灣 |
| 國籍 | 中華民國 |
| 母校 | 麻省理工學院 國立臺灣大學 |
| 職業 | 藝術家、導演 |
| 知名作品 | 《海浪》、《#迎靈者》、《時差書寫》、《帕斯堤貨幣》、《岔經濟（ ）》 |
| 網站 | www |
李紫彤（英語：Lee Tzu Tung）係台灣嘅藝術家、導演，關注性別、政治、原住民、白色恐怖、以及國族認同等議題。佢嘅創作以多媒體為主，結合網路、裝置、影像，亦都有多項參與式創作嘅藝術作品。[1]
簡介
[編輯]早期創作
[編輯]大學時期，李紫彤與朋友共同合作拍攝咗《擁抱》，該作品獲得2010年台大電影節徵影首獎。[2]拍攝場景之一取自暱稱洞洞館嘅台大建築，佢哋配合當年嘅建築物拆除計畫，拍下呢部藝術電影。
2013年-2019年
[編輯]2018年，由文化部贊助，與駐紐約臺北文化中心與紐約藝術機構Residency Unlimited（RU）合作辦理嘅「2018紐約Residency Unlimited創作發表計畫」中，李紫彤與劉仁凱獲選成為駐村藝術家。佢哋前往紐約進行為期四個月嘅藝術創作，並於2018年9月以《形式的不可能性》（The Impossibility of Form）為題，展示咗佢哋喺呢個期間嘅創作成果。[3][4][5] 其中，成果展示作品《#迎靈者》（#GhostKeepers），係一項參與式藝術作品，該作品喺世界各地尋找70年間，於唔同國家因戰爭、白色恐怖等事件過世嘅受害者或加害者，同呢啲鬼魂對話，並開立呢啲鬼魂嘅社群媒體帳號，呈現呢啲鬼魂死後如何面對佢哋所屬嘅國家，同時亦都讓一般大眾能夠同呢啲鬼魂進行互動。[6]
《時差書寫》（Writing the Time Lag）係一部實驗民族誌長片，始於2014年拍攝，並於2019年喺台北當代藝術館[7]、2020年喺葡萄牙里斯本大學人類學與藝術線上展（ANTART）[8]中展出，主題聚焦於國族認同。喺呢段時期，李紫彤深入探訪各政治團體，如台灣人公共事務會[9]、時代力量、民主進步黨等，並積極參與組織嘅活動，以親身經歷觀察政治活動。同時，佢亦到太巴塱、港口等部落拍攝紀錄片。除咗探討政治同原住民議題外，呢部影片仲進行咗多項藝術實驗，包括打破電影圈嘅性別問題，因此《時差書寫》嘅劇組成員全由女性組成；以及運用讓受訪者亦成為拍攝者嘅參與式影片手法。[10]
2019年，李紫彤創作咗交易藝術作品《帕斯堤貨幣》，旨喺反思愛滋污名化嘅問題。呢件作品結合咗「貨幣」同「疾病」呢兩者都可以被流通、量化同管控嘅特質，帕斯堤貨幣嘅交易方式隱喻愛滋病毒嘅傳播方式，讓民眾以藝術體驗愛滋感染者嘅心路歷程。呢項藝術作品以帕斯堤貨幣進行交易嘅藝術拍賣會為形式，創造出社群金流，並喺扣除藝術家嘅收入後，將全部收益捐贈俾與愛滋相關嘅非政府組織，包括愛滋感染者權益促進會、感染誌、同臺灣同志諮詢熱線協會等組織。[11]
2019年至今
[編輯]2020年12月，李紫彤與香港藝術家孫詠怡（Winnie Soon）發起咗一個名為《岔經濟()》（Forkonomy()）嘅計畫。初版《岔經濟()》係一場喺台灣C-LAB舉辦嘅合約議會，議會聚集咗政策制定者、學者、海洋生態保護者、文化工作者、藝術家同社會運動行動者。參與者喺呢個另類議會中共同思考一個問題：「我哋點樣購買、擁有同鑄造一毫升嘅南海？」參與者共同制定咗一份南海所有權合約。[12]會議決議以「合作社」（co-operative）形式共有、共管一毫升南海，並設定海水價格為每毫升1.61新台幣。作為協會嘅一部分，每位參與者同意共同承擔南海嘅生態同經濟責任。計畫亦採用開源嘅自由軟體同去中心化協定。[13]
2023年，李紫彤獲選參與文化部駐英國代表處文化組與黛芬娜基金會（Delfina Foundation）合作嘅藝術家駐村計畫，並前往倫敦展開為期12個星期嘅駐村計畫。喺駐村期間，佢以英國喺二次世界大戰期間發展嘅桌遊為基礎，設計咗一套劇本，讓參與者以輕鬆、具創造性嘅方式，思考台灣可能發生戰爭的嚴肅政治問題。[14] 同時，李紫彤與《美學程式設計》（Aesthetic Programming）[15]嘅作者孫詠怡（Winnie Soon）同傑夫・考克斯（Geoff Cox）共同組織咗《美感程式設計－分岔工作坊》。[16] 喺呢個工作坊中，佢哋引導參與者運用開源社群「分岔（forking）」嘅概念理論，將程式語言以多元分岔嘅方式翻譯為中文、身體語言或視覺資訊。透過參與者嘅討論、翻譯、編輯同其他創意手段，共同「分支」《美學程式設計》所涵蓋嘅程式概念，揭示版本、分岔同翻譯喺全球華語語境中嘅政治性。
參考文獻
[編輯]- ↑ 〈色慾政治Ｘ數位皮囊——專訪藝術家鄭淑麗〉。原著喺2020年1月8號歸檔。喺2024年2月20號搵到。
- ↑ 李明璁 (2010年7月)。〈前往電影的路上on the way to cue. 喜歡上學的Vivian．李紫彤和他的夥伴們〉。《cue.電影生活誌》 (第2期): 70-75頁。
- ↑ 〈公告「2018紐約Residency Unlimited創作發表計畫」甄選結果-中華民國文化部〉。原著喺2019年3月31號歸檔。喺2024年2月20號搵到。
- ↑ 〈台灣藝術家展現紐約駐村創作成果 《形式的不可能性》九月十五日揭幕 -紐約臺北文化中心〉。原著喺2019年3月31號歸檔。喺2024年2月20號搵到。
- ↑ "The Impossibility of Form | artistsallianceinc" (美國英文). 原著喺2020年1月18號歸檔. 喺2024年2月20號搵到.
- ↑ 〈2013-2018 作品 Lee Tzu-Tung 李紫彤〉。原著喺2020年9月27號歸檔。喺2024年2月20號搵到。
- ↑ 〈「台灣！我來了」展覽探尋異鄉人眼中你可能不知道的台灣〉。原著喺2021年1月20號歸檔。喺2024年2月20號搵到。
- ↑ "ANTART |LisbonUniversity" (美國英文). 原著喺2021年1月23號歸檔. 喺2024年2月20號搵到.
- ↑ thechicagochinesenews (2016年11月3號)。〈台灣人公共事務會伊利諾卅分會舉辦2016年會〉。《芝加哥時報》 (英文)。原著喺2019年3月31號歸檔。喺2024年2月20號搵到。
- ↑ "Lee Tzu-Tung 李紫彤 Writing the Time Lag 時差書寫 (2018)". 原著喺2020年9月27號歸檔. 喺2024年2月20號搵到.
- ↑ 〈全新交易藝術體驗 「帕斯堤貨幣」為愛滋病患打氣〉。《ETtoday新聞雲》。2019年11月2號。原著喺2021年2月13號歸檔。喺2024年2月20號搵到。
- ↑ Zhang, Alice Yuan (2023年3月8號). "Sea Change". Outland (美國英文). 原著喺2023年11月6號歸檔. 喺2024年2月20號搵到.
- ↑ "How to buy/own/mint one milliliter of the ocean from the South China Sea | ACM Interactions". interactions.acm.org. 原著喺2023年11月11號歸檔. 喺2024年2月20號搵到.
- ↑ 〈藝術家李紫彤於倫敦戴芬娜基金會駐村期間舉辦工作坊〉。中華民國文化部。2023年9月20號。原著喺2023年12月22號歸檔。喺2024年2月20號搵到。
- ↑ 〈《美學程式設計》〉。原著喺2023年12月22號歸檔。喺2024年2月20號搵到。
- ↑ "AESTHETIC PROGRAMMING: FORKING WORKSHOP". 黛芬娜基金會. 2023年9月13號. 原著喺2023年12月22號歸檔. 喺2024年2月20號搵到.
出面網頁
[編輯]- 李紫彤 Lee Tzu-Tung Wayback Machine嘅版面存檔備份
YouTube上面嘅李紫彤嘅頻道- 從「參與式影像」看見他人閃閃發光的生命經驗─訪李紫彤（上） Wayback Machine嘅版面存檔備份
- 「參與式影片」是想像實踐，也是自省回顧─訪李紫彤（下） Wayback Machine嘅版面存檔備份
