東林黨係大明後期一個政治集團，核心成員係東林書院聚集議論時政嘅人，主要係對抗魏忠賢做阿頭嘅閹黨集團，史稱東林黨人。
喺東林黨人入便，有所謂前六君子（楊漣、左光斗、魏大中、袁化中、顧大章、周朝瑞）、後七君子（高攀龍、周順昌、周起元、繆昌期、李應昇、周宗建、黃尊素），佢哋都曾經畀魏忠賢老屈貪污，而畀魏忠賢害死。
