東港鎮
22°28′00″N 120°27′16″E / 22.4667127°N 120.4544234°E
| 東港鎮 Donggang Township | |
|---|---|
 中華民國政區 | |
 | |
| 行政區管轄 | 屏東縣 |
| 行政區類別 | 鎮 |
| 舊稱 | 東津 |
| 總面積 | 29.4635平方公里 |
| 戶數 | 16,766戶 |
| 人口 | 47,746人（2018年7月） |
| 鎮長 | 徐志雄 |
| 鎮公所位址 | 船頭里中山路2-100號 |
| 區劃 | 22里405鄰 |
| 鎮公所網站 | 東港鎮公所 |
| 郵遞區號 | 928 |
| 毗鄰區域 | 新園鄉、林邊鄉、南州鄉、崁頂鄉 |
 東港鎮位置圖 | |
東港鎮喺臺灣屏東縣西部中段沿海，北臨新園鄉、崁頂鄉，東鄰南州鄉，西南隔臺灣海峽同琉球鄉相望，南接林邊鄉。以東港迎王平安祭典聞名全國。
東港喺屏東平原南端，東港溪自東港同新園鄉交界出海，地勢平坦加上濱海，所以產業以漁業同農業為主，但亦因地勢低漥及同排水唔好，東港不時有洪水同海水倒灌等災，氣候上則屬熱帶季風氣候。
呢幾年嚟因黑鮪魚嘅身價暴漲同大鵬灣國家風景區嘅成立，令觀光業蓬勃發展。
本鎮係屏東縣第二大鎮，人口係全縣第五多嘅鄉鎮，僅次於屏東市、潮州鎮、內埔鄉、萬丹鄉，人口約4萬7千人，多分布喺興東、船頭兩大里。
行政區
[編輯]
- 新勝里、頂新里、頂中里、東和里
- 興台里、中興里、朝安里、八德里
- 豐漁里、盛漁里、興漁里、鎮海里：居民將呢四里併稱為三漁一海。
- 嘉蓮里、南平里、東隆里、共和里
- 興東里、興農里、興和里
- 大潭里、船頭里、下廍里
大鵬里（已併入大潭里、船頭里、下廍里[1]）
東港鎮2018年4月底人口4萬7840，而鎮內總共劃分為22里，但隨住近幾年人口逐漸往市郊發展遷徙，里鄰人口數發展極之唔均衡，行政資源難以公平分配同有效運用，為咗令基層里鄰行政組織人力調配符合實際需求，針對戶數同人數較少嘅里鄰合併，戶數同人數較多嘅就拆分，由公所提出後交由代表會審議。最大嘅興東里就有1萬1049人，但最細嘅頂中里只有454人。現任鎮長徐志雄提案行政區域里鄰調整案，東港鎮民代表會已喺2018年5月15號審查通過，將報屏東縣政府核定，預定2021年7月1嘅施行，屆時生效日以公告為準。[2]
東港鎮里鄰調整過後將維持22里，但人口數將維持2千人左右嘅平均分布。重新規劃嘅里鄰主要以道路為界並符合現況來進行劃分：頂新、頂中、東和3個里合併成頂中里，興台、中興、八德3個里合併成福德里，船頭里拆成船頭、東津2個里，興東里拆成內關帝、新街、東光、東新4個里。較特別嘅係，未來行政中心「東津里」，就從原船頭里獨立出嚟並取名自東港古地名，「內關帝里」亦係取自舊地名，並從原興東里獨立出嚟。[2]
攷
[編輯]- ↑ 〈23里變22里 東港行政區將整併〉。自由時報電子報。2016-12-07。
- ↑ 2.0 2.1 〈人口分布嚴重失衡 東港鎮22里重新調整〉。聯合新聞網。2018-05-15。喺2018-05-15搵到。