板樟山隧道

出自維基百科,自由嘅百科全書
跳去導覽 跳去搵嘢

板樟山隧道珠海市一條重要行車隧道,隧道全長一千二百一十米,響1988年7月28號正式動工。到1990年10月,下行隧道正式完工,同年11月28號響慶祝珠海經濟特區建立十周年同步通車。[1]之後到1992年1月2號,板樟山隧道連最後嘅上行車道都開通。據專業人士話成個隧道系統大約使咗八千八百萬人民幣

2009年12月28號曾經搞過大型重建,直到2010年10月31號中國航展前先重建完。[2]

2017年3月11號珠海諗住用二億四千萬人民幣擴充板樟山隧道嚟加大交通流量,即係響板樟山隧道兩邊隔離再分別各加多一隧道兩條行車線;完工之後就會變成擁有四條隧道,每條隧道兩條行車線,加埋一共有八條行車線,嚟打通呢嗰地方南北交通嘅樽頸[3]

背景[編輯]

板樟山隧道響1988年動工,1990年通車,係當年全國最長嘅城市行車隧道,亦係連接珠海主城區拱北同香洲嘅核心通道,隧道上下行都係兩條行車線,但係目前每日車流量都高達十萬架次以上[3]

板樟山隧道係宜家珠海交通最塞車嘅地方之一,隧道兩邊從唔同方向十幾條行車線匯集嘅車流,要響隧道入口前迫成兩條行車線嘅隧道入面,所以經常搞到響兩邊隧道入口前面大塞車。尤其響返放工嘅繁忙時間幾乎要排成半個鐘到一個鐘先入到隧道[3]

設計[編輯]

板樟山隧道係兩條單向行車隧道,雙向加埋有四條行車線。兩條隧道都係長一千二百一十米,淨高7.45米,設計行車速度60公里/小時,之後為咗提高板樟山隧道入面嘅通行效率,封咗翠微東路君臨酒店嘅掉頭位,就將隧道入面嘅限速提高到70公里/小時[4]

方向[編輯]

板樟山隧道行北邊主要係去新香洲檸溪,南邊主要係去拱北吉大前山

擴建[編輯]

2017年3月10號,珠海發佈板樟山隧道新增隧道工程勘察設計招標公告,以超過一千三百萬元招標呢嗰工程嘅勘測、方案設計同施工圖設計。公告入面話,板樟山新增隧道工程,即係響板樟山隧道兩邊隔離再分別各加多一隧道兩條行車線(包含慢行系統),同宜家隧道規模組成雙向四條隧道八條行車線,每條隧道總長大概係一千二百一十米。主要起隧道工程、銜接道路改造工程、機電工程、路面工程、接排水工程之類,計劃總投資大約二億四千萬,其中建安費大約一億九千二百萬[3]

公告指定珠海城建地產開發有限公司係建設單位,招標代理人係深圳市合創建設工程顧問有限公司,投標報名時間截係3月16號(禮拜四)為止,並響4月6號公佈中標結果[3]

呢次擴建將會打通珠海南北交通樽頸位,舒緩繁忙時間交通擠塞嘅情況[3]

[編輯]

  1. (簡體中文)[1]
  2. (簡體中文)板樟山隧道將大修 檸溪路紫荊路翠香路改造 互聯網檔案館歸檔,歸檔日期2014年4月20號,.,中央人民廣播電台珠海分站,2009年12月25號。
  3. 3.0 3.1 3.2 3.3 3.4 3.5 (繁體中文)板樟山隧道將擴至八車道 互聯網檔案館歸檔,歸檔日期2017年3月14號,.,澳門日報,2017年03月11號。
  4. (簡體中文)板樟山隧道限速提至70公里/小時 互聯網檔案館歸檔,歸檔日期2016年3月5號,.,網易新聞,2015年3月18號