林志釉
林志釉，香港律師兼病人權益工作者，而家係病人政策連線主席[1]。
早年生涯
[編輯]喺2003年，佢被誤診感染沙士，接受類固醇治療，幾乎導致骨枯外，出院後屢受歧視，更慘被律師樓解僱。之後佢決定投身病人組織[1]。
部分關注議題
[編輯]就新冠肺炎疫苗問題，政府處理醫療豁免證明（俗稱免針紙）嘅手法引起爭議，甚至採取法律行動針對一啲醫生。林志釉亦有關注有關議題[2]，批評政府以行政手段「廢除」判決「蔚為奇觀」[3]。
另外，就改革醫委會而提出嘅《醫生註冊（修訂）條例草案》，佢認為醫療界出現咗醫生保護主義強權，不時同當時醫學界立法會議員梁家騮針鋒相對[1]。
佢亦唔支持引入海外醫療人員嘅建議，認為引入人員質素參差，而且引入本地護士中大部分或來自國内，可能唔識睇英文嘅醫療紀錄，做法忽視病人安全[4][5]。
參考
[編輯]- ↑ 1.0 1.1 1.2 〈從沙士到「醫改」 不死鬥士 林志釉 - 時事 - 新聞專題〉。《東周網【東周刊官方網站】Eastweek.com.hk》 (臺灣中文)。喺2023-03-18搵到。
- ↑ 〈林志釉指部分醫生憂法律問題不發免針紙 批「見死不救」〉。Yahoo News (中文)。喺2023-03-18搵到。
- ↑ HK, Channel C. (2022-10-26)。〈政府修例廢免針紙 林志釉：行政手段「廢除」判決「蔚為奇觀」 | Channel C〉。channelchk.com (繁體中文)。喺2023-03-18搵到。
- ↑ 〈轟海外醫生實習方案太寬鬆 林志釉指忽視病人安全〉。《on.cc東網》 (香港中文)。2019-05-02。喺2023-03-18搵到。
- ↑ 〈林志釉憂引入非本地培訓護士質素參差 料大部分來自國内〉。
{{cite web}}: CS1 maint: url-status (link)