架步

出自維基百科,自由嘅百科全書
Jump to navigation Jump to search

架步,原意係指秘密場所,而家多數係「黃色架步」嘅簡稱,亦即係「色情場所」嘅意思。

語源[編輯]

所謂「架步」,照字面解係「熟人用步法經過『架式』」嘅意思。「架式」起源自反清復明天地會。作為幫會(秘密會社),平時會用暗語傾偈,聚會嘅地方更加需要保密,所以就擺設一啲符號嚟帶路。赴會嘅人喺路途見到一啲嘢,譬如擺到三角形或者梅花形嘅石春陣,亦即係「架式」,就會知道應該點行。佢哋更需要跟住幫會傳授嘅步法去行過石陣,如果唔係就會被拆穿係朝廷派來嘅奸細。所以,架步就有秘密場所嘅意思。

香港,由於法例唔容許有色情場所,色情場所好多時都會有幫會非法去搞。而色情場所為咗減少被警方衾檔嘅風險,都唔會明目張膽咁去搞,只係靠暗語等方式招待熟客,所以就叫做「黃色架步」。由於而家唔係好多人明白「架步」嘅本意,所以一提起「架步」(有時更俗寫成「架部」),就會認為係色情場所。

參考[編輯]