桃園天皇（ ももぞのてんのう ，1741年4月14號—1762年8月31號）係日本第一百一十六位天皇，原名遐仁（ とおひと ），又叫皇太子遐仁親王，幼名八穗宮、茶地宮，響1747年6月9號至到1762年8月31號在位。
佢響1747年（即係延享四年）畀老豆櫻町天皇冊封做皇太子，同年老豆讓位畀佢，而櫻町天皇就做上皇，改叫上皇昭仁。三年之後，上皇昭仁死咗，桃園天皇正式親政。
響1758年（即係寶歷八年）發生咗「寶歷事件（日文：宝暦事件）」，爾件事令到好多公卿都受到咗處分。
響1762年突然死咗，終年二十二歲。