桃花扇

《桃花扇》係清初國子監博士兼戲曲作家孔尚任係公元1699年（康熙三十八年）完稿，公元1708年（康熙四十七年）出版既一部傳奇劇本，成套劇總共有四十四齣戲。

《桃花扇》寫既係明末發生喺南京既愛情故事，故事既背景接近真實既歷史，細節上做咗啲藝術加工。故事既主線係秦淮河名妓李香君同士夫夫侯方域既悲歡離合，側面描繪咗南明王朝亡國既歷史，同埋當時南京城既社會情況同生活現實。

李香君

李香君原本姓吳，出生喺明末蘇州既官宦之家，老豆係東林黨人，被魏忠賢陷害，家道中落。孤苦無依既李香君，俾秦淮名妓李貞麗收養做義女，改姓李，後嚟李香君喺養母調教之下，成為「秦淮八艷」之一。佢雖然生活喺煙花之地，但係仍然堅持追求真正既愛情。

侯方域

侯方域係「明末四公子」之一，當時佢嚟南京城參加科舉考試，因為考唔到，所以無返屋企，悶悶不樂，喺朋友介紹之下，結識咗李香君，兩人一見鍾情，喺訂婚嗰日，侯方域喺扇上面題詩，做信物俾咗李香君。