梁建民

出自維基百科,自由嘅百科全書

梁建民1933年2008年11月6號),人稱「第一」,係前香港馬評人。

生平[編輯]

梁建民為幾份香港報紙,包括《新報》、《天天日報》等做過馬經版主編同作家,曾經出版過《第一馬經》同《賽馬勝經》。

由1970年代起,佢同馬評人董驃亞洲電視主持賽馬節目,佢嘅肉緊而又獨特嘅評述風格,深入民心。2006年2月董驃病死,佢係喪禮中八個扶靈人士其中一個。

梁氏亦曾經為香港賽馬會做過沿途走位嘅評述員,又曾經做過香港評馬同業協進會執委,係該會嘅創會會員。

1991年加入澳門賽馬會,做咗主席嘅特別助手,之後喺1997年獲委任做執行董事,並喺2000年得到董事局委任,做咗澳門賽馬會行政總裁,並且喺澳門定居。

2006年9月,佢突然中風暈咗,經過當地醫院睇過之後就由直升機送返香港醫治,發現患上腦癌[1]。2007年,因為健康理由辭咗行政總裁職務,轉做董事局特別顧問。

2008年11月6號,喺沙田仁安醫院因病死亡,當時75歲[2][3]

參考[編輯]

  1. 「第一先生」中風送港醫治
  2. 前馬評人梁建民病逝[失咗效嘅鏈]
  3. 深評馬人梁建民辭世 澳門馬會將舉行默哀活動_新聞頁_北美新浪網. 原著喺2020-03-27歸檔. 喺2018-12-22搵到.

出面網頁[編輯]