梁淑貞 (教育家)

梁淑貞，香港基督教臻美黃乾亨小學暨初中學校前校監，2008年獲香港政府頒授榮譽動章（MH），2014年1月被剔除出授勳及嘉獎名單。

經歷

佢曾經做過中小學老師，80年代末轉職做社工喺青少年中心工作。

1990年，佢開始創立Joyful同基督教臻美青少年社會服務處，後嚟喺1993年轉做非牟利慈善組織，正式成立基督教臻美社會服務機構，佢擔任主席，佢老公楊師義就負責做總幹事。

詐騙罪成入獄

佢喺2007年講大話，向10多名家長借錢，話係要用嚟合併弘爵國際學校去籌辦高中，要資金償還弘爵嘅債務。事件被揭發後，佢一開始否認有咁做，再被揭發講大話後，一度失蹤唔見人，搞到廉政公署通緝佢。去到2012年6月，法院裁定佢有欺詐罪，判刑監禁15個月。之後佢獲准保釋等待上訴，但到2013年3月初，上訴被駁回，原判被維持，佢需要即時入獄。到6月底佢再次提出上訴申請，但終審法院都駁回咗。