槳扇引擎

法國 Safran 航空太空博物館（Musée aéronautique et spatial Safran）嘅 GE36 模型

安裝喺麥道 MD-80試驗台嘅 PW-Allison 578-DX 槳扇引擎樣板特寫

槳扇引擎（propfan engine），又叫做開放式轉子引擎（open rotor engine）、開放式風扇引擎（open fan engine）、或者冇管道風扇（unducted fan；同管道風扇相反），係一種喺概念上同渦輪螺旋槳引擎（turboprop）同渦輪風扇引擎（turbofan）有關嘅引擎，但係操作原理好唔同。呢個設計係為咗提供渦輪風扇嘅速度同性能，同埋渦輪螺旋槳嘅慳油。槳扇引擎嘅風扇通常係設計成大量短、扭曲嘅刀片形狀，同渦輪風扇引擎嘅（管道）風扇相似。因為呢個原因，槳扇引擎被描述為「冇管道風扇」（unducted fan，UDF）或者「超高旁路渦輪風扇」（ultra-high-bypass turbofan，UHB）。

槳扇引擎喺設計上同渦輪風扇引擎有啲似，風扇都係由渦輪直接帶動，中間無經過「波箱」（gearbox）減速。槳扇引擎嘅外型同渦輪螺旋槳引擎有啲似，但係渦輪螺旋槳引擎嘅螺旋槳係由「波箱」帶動嘅，所以轉動嘅速度比較慢。

因為槳扇引擎嘅渦輪同槳扇之間無「波箱」減速，槳扇嘅轉速好高，所以槳扇引擎嘅槳扇設計同渦輪螺旋槳引擎嘅螺旋槳好唔同，有啲槳扇引擎會用雙渦輪雙層槳扇結構，兩層槳扇嘅轉動方向相反，咁樣就可以提高效率。由於結構類似於渦輪風扇發動機，又無風扇管道，槳扇引擎經常俾人叫做無限高旁通比嘅渦輪風扇引擎。

參考

各種燃氣渦輪引擎配置嘅推進效率比較

進行緊 NASA 槳扇引擎地面測試嘅 Allison 501-M78 引擎，裝咗八片槳扇葉，直徑 108 吋（9.0呎；2.7米），嘅 Hamilton 標準螺旋槳

槳扇引擎同其他飛機引擎嘅比較