機動娛樂
機動娛樂（Running Team）係一間香港嘅娛樂公司，以香港藝人鄭中基作為靈魂人物。
機動電視台
[編輯]佢哋亦開設咗YouTube頻道機動電視台RTV，除咗鄭中基本人之外，佢嘅經理人湘姐亦不時喺呢個頻道亮相。而家呢個頻道有超過30萬名訂閱者[1][2]。
機動電視台亦不時成為鄭中基一啲表達對社會議題嘅個人意見嘅平台。例如，喺新冠肺炎期間，香港大學醫學院公共衛生學院講座教授林大慶曾經話香港接種率低，批評港人，話香港人應該感到羞恥。鄭中基就喺頻道嗰度鬧林大慶教授唔負責任，話有啲香港人唔打，係因為政府喺疫苗問題上話賠唔賠冇保障，亦有人因為係屋企經濟支柱，或者身體問題，希望再觀察先決定，批評林大慶係政府打手[3]。
事件
[編輯]2024年8月3號，鄭中基喺佢自己社交媒體貼文，話佢發現經理人何慶湘「工作及道德操守有問題」，所以佢同機動娛樂立即終止合作，之後再貼另一篇文，話自己因個人情緒及健康問題，完成高雄演唱會後會休息。由於成件事有好多疑點，所以引起熱烈討論。而事件另一主角何慶湘就一路沉默。
旗下藝人
[編輯]參考
[編輯]- ↑ 〈鄭中基Youtube破30萬訂閱 相隔11年辦粉絲見面會〉。《Now 新聞》 (香港中文)。喺2021-09-19搵到。
- ↑ 〈鄭中基相隔11年再辦粉絲見面會 老婆仔女齊撐場 - 20210919 - 娛樂〉。《明報新聞網 - 每日明報 daily news》 (繁體中文)。喺2021-09-19搵到。
- ↑ 〈鄭中基為港人發聲鬧爆林大慶：你連打手都做唔到，點做教授？ | 最新娛聞〉。《東方新地》 (美國英文)。2021-06-01。喺2021-09-19搵到。
