歐鎮江

歐鎮江係香港嘅親中派商人，係香港杭州下城區港藉人士聯誼會首屆副會長兼秘書長，並喺杭州生活咗超過二十年。佢亦係浙江省香港商會嘅創會會長。

歐鎮江自細住喺藍田公屋，成績一般，喺工業學校畢業後投身社會，初期幾經波折。之後到米蘭讀設計管理課程，曾喺恆基兆業同新世界中國工作。2001年底辭職回港，成立咗自己嘅設計公司——香港意匯商業設計，並鼓勵年青人到中國內地發展。