歷劫親情

《歷劫親情》係喺1961年嘅一部粵語片，由莫康時執導，丁瑩、張儀主演。呢齣戲係由香港商業電台李我寫嘅天空小說改編。

情節

樂太喺戰亂嘅時候同細女失散咗，只係帶住大女樂翠然同戰亂嗰陣收養嘅細路樂天任逃難，之後做生意發咗達。

好多年之後，天任同女工雲玉燕拍拖，樂太雖然嫌棄玉燕窮，但係因為天任好鍾意玉燕，翠然又有咗男朋友谷達嘅BB，急住結婚，於是勉強俾天同玉燕結婚。玉燕婚後俾樂太刻薄，只好委曲求全。

谷達因為欠下巨債，偷咗樂太啲首飾，點知樂太認定係玉燕偷，將佢趕走，後來雖然知道怪錯咗玉燕，但都唔俾佢返屋企。天任好唔捨得玉燕，拉扯之間俾樂太見到玉燕頸上粒痣，先知道原來係自己個細女，於是母女團聚。