河北大學10-16交通肇事案

出自維基百科,自由嘅百科全書

河北大學10-16交通肇事案,又啀李剛門我老豆係李剛事件、官二代撞車案冀大飛車案,係2010年10月16號喺中國河北省保定市河北大學新校區入面發生嘅一單酒後駕駛嘅交通肇事逃逸案件,造成喺學校入面嘅學生一死一傷[1]。出咗事之後,肇事者好似冇發生過咩事咁照樣揸車,俾差佬拉咗之後就因為呢句——「我老豆係李剛」[註 1]而引起網民同埋社會輿論。後嚟重更加爆出李剛收入異常、曾經幫河北大學校長調查舉報抄襲人哋嘅文章嘅人嘅衰嘢,搞到原本一單好細嘅交通事故,就發展到揭露行政人員權力腐敗黑幕嘅事件。最後係以受害者家屬撤訟、媒體冇出聲、律師被人炒魷、報導呢單事件嘅記者俾人拉咗去傾偈[2][3]

2011年1月30號上午9時,河北省望都縣人民法院對案件作出一審宣判,被告人李啟銘以交通肇事罪被判6年監禁。李啟銘喺監獄因接受教育改造同確有悔改表現而喺2016年1月28號出獄[4]

註同攷[編輯]

  1. 原句係「我爸是李刚」。
  1. 新闻晚报(上海) (2010年10月16號). 死女生 司机狂言"我爸是李刚"(组图). 网易. 原著喺2010年10月22號歸檔. 喺2010年10月20號搵到.
  2. 河大飙车案:律师遭解聘 全案被和谐
  3. 惊海内外的李刚案和谐收场 内地媒体集体噤声. 原著喺2010年11月16號歸檔. 喺2013年12月25號搵到.
  4. 华哥视界 (2023-10-08). 13年前叫嚣"我爸是李刚"的李启铭,出狱后重返社会,现状令人咂舌……. 網易.