活火山係火山一種，指而家重活躍緊嘅火山。
火山學嘅學者重未有一個共同明確嘅標準嚟判定一個火山係唔係活火山，尤其活火山嘅活動週期可能長達幾百萬年，人類紀錄中嘅火山活動對於火山種類嘅判斷意義可能唔大。
一般判定活火山，係以而家火山活動嘅情形嚟判斷，除咗噴發之外，其他活動嘅情形好似係造成地震、噴發氣體等等，都可能作為活火山嘅判斷標準。
