海牙

出自維基百科,自由嘅百科全書
View of the 'Hoftoren' (left) and the Ministry of Public Health, Wellbeing and Sports (right)
The Hague in 1868.

海牙(荷蘭文:Den Haag)係荷蘭嘅一個城市,喺荷蘭嘅西面,瀕臨北海。海牙係哩個國家嘅行政中心同政府所在地。雖然荷蘭嘅法定首都係阿姆斯特丹,但係海牙往往視爲係「實際上」嘅首都。海牙係南荷蘭省嘅首都。國際法庭同埋國際刑事法院都喺海牙。

海牙人口超過半百萬;係荷蘭第三大城市。而海牙都會區,人口就超過80萬;亦都係荷蘭第三大嘅都會區。鹿特丹-海牙都會區有大概260萬人口;係歐洲最大嘅都會區之一。而喺荷蘭境內,係最大嘅都會區。哩個都會區有鹿特丹-海牙機場。

荷蘭國會、內閣、最高法院、國務委員會都喺海牙。但係海牙唔係法定首都。威廉亞歷山大國王嘅居所同辦公地都喺海牙。多數駐荷領事館亦都係喺海牙。仲有好多荷蘭嘅公司,總部亦都設喺海牙。荷蘭皇家圖書館亦都係喺海牙。