海雲臺
想搵第二個意思嘅話，請睇海雲臺 (搞清楚)。| 海雲臺區 | ||||||||||
|---|---|---|---|---|---|---|---|---|---|---|
 海雲臺海水浴場 | ||||||||||
| 韓文名 | ||||||||||
| ||||||||||
| 概況 | ||||||||||
| ||||||||||
| 位置 | ||||||||||
 海雲臺位置 |
海雲臺區（粵音：hoi2 wan4 toi4 keoi1）係韓國釜山嘅市轄區。面積51.45km²，人口42萬（2013），佔全市人口12%。1976年畀釜山市直轄，1980年升做市轄區。
而家海雲臺係釜山嘅旺地，經濟發達。海雲臺海水浴場每年吸引韓國內外千萬遊客，係公認韓國最靚嘅海灘，除咗來玩水，每年新年日出都有好多人來呢度睇。因此海雲臺而家借旅遊商機發展釜山貿易。
海雲臺嘅冬柏島係2005年韓國APEC會議主辦地。同時呢度亦係釜山國際電影節嘅其中一個會場。因為風景好，呢度有好多豪宅，地價高，發展成海雲臺新市街地。
史
[編輯]「海雲臺」箇名出自新羅末期嘅學者崔致遠，佢字「孤雲」，後改字「海雲」，佢罷官去伽倻山嘅時候途經呢度，見呢度景色咁靚就滯留咗落來，喺走之前，佢喺冬柏島南面嘅巖壁刻咗「海雲臺」三隻字，以自己嘅字幫當地起名。而家島上面嘅冬柏公園有佢嘅銅像。
海雲臺喺原三國時代屬長山國，統一新羅之後一直屬東萊郡，歷經高麗、朝鮮兩朝，東萊郡改過做東萊縣、東萊都護府等。朝鮮後期，屬東萊府東下面。1953年海雲臺設辦事處，1976年升爲市直轄，1980年升爲市轄區，1994年8月31號指定爲觀光特區，成爲有名嘅國際旅遊名勝。
年表
[編輯]- 1942年10月，呢帶編入釜山府水營出張所。
- 1953年9月，成立海雲臺出張所，轄佑洞、中洞、佐洞。
- 1957年1月，釜山市劃區，改爲東萊區海雲臺出張所。
- 1963年1月，釜山升爲直轄市，慶尚南道東萊郡機張面松亭里劃入，改編成松亭洞。
- 1976年5月，升爲市直轄。
- 1978年1月，東萊區嘅盤如洞、盤松洞劃入。
- 1980年4月1號，從東萊區分離出海雲臺區，除咗原先出張所嘅轄地，外加石擡洞、栽松洞。
- 1994年8月31號，成爲觀光特區。
政區
[編輯]海雲臺轄8箇法定洞，共計18箇行政洞。區府駐中1洞。