深夜節目

深夜節目大多指夜間23:00至翌日早上5:00咗右播出嘅電視及廣播節目。由於呢一個時段係大多數觀眾就寢嘅時間，收視率相對較低，所以深夜節目大多製作費用低廉，尺度亦相對更為寬鬆。成人節目大多喺深夜時段播出。亦有電視台喺深夜時段播出風景映像等慢電視類節目。

喺日本，日本電視台嘅《11PM》係深夜節目嘅鼻祖。第一次石油危機期間，受到政府號召節約能源嘅要求影響，各電視台一度停止喺深夜播出節目。1980年代後，喺富士電視台《All Night Fuji》節目嘅成功刺激下，日本深夜綜藝節目曾經迎來一個黃金時期。各台亦唔少喺深夜時段取得成功後升格至黃金時段播出嘅綜藝節目。