游智彬

游智彬（1983年12月23號—）係台灣新黨政治人物，被某啲政見唔同嘅人視為紅統嘅中國樣版青年。

參選經歷

佢曾經參選2022年中華民國地方公職人員選舉，出選桃園市中壢區。選舉期間，佢曾經因為穿「抄人裝」來嘲笑前新竹市長林智堅，仲揭發行政院副院長鄭文燦涉嫌論文抄襲，因而獲得一定知名度。但佢最終未能當選。

佢喺2023年3月宣布參選第11屆中華民國立法委員選舉，出選桃園市第三選舉區（中壢選區）。

爭議

選舉期間虛報財產

喺2022年11月，台灣正值地方選舉，喺桃園市中壢區參選嘅游智彬被揭發財產申報不實，自己明明喺中國有投資，但喺選舉期間所交嘅《公職候選人財產申報表》入面，就只係申報現金新台幣6萬元、存款新台幣16萬元，完全冇申報任何人民幣，而喺事業投資一欄，更加係全部空白。對比起中國『愛企查』網站上游智彬嘅持股情況，當中提及佢持有中國公司嘅情況，已故作家李敖嘅仔李戡批評，游智彬唔單止財產申報唔實，仲嚴重造假。李戡又批評，游智彬自己出書就睇到自己喺大陸創辦同任職金融機構嘅事蹟，但上政論節目就唔講。

論文抄襲

2022年10月，正值選舉期間，游智彬被揭發聯盟抄襲，喺比對軟體入面，相似指數高達50%。