湯文亮
生涯
[編輯]湯文亮後生跟過澳門賭王傅老榕、傅三夫人等人學賭技同埋賭場管理。1966年澳門發生暴動，湯文亮去香港浸會書院讀化學[1]，讀咗一年就同屋企人去加拿大讀書[2]。
佢學成之後返咗香港，跟姐夫廖烈正學做生意，而廖烈正本身係廖創興銀行嘅家族成員。去到1976年，佢同佢家姐廖湯慧靄、細佬湯子亮一齊創立咗紀惠集團[2]。佢名義上係集團創辦人之一不過主要營運者係佢家姐，因佢本人全職細佬，除賭技外並無其他專長，但賭輸不會介懷，如2016年判斷失誤，「爆煲」言論挑戰輸咗，笑指便輸[3]，只憑家姐餘蔭先可當個掛名主席。但仍不時發表惹火言論，湯文亮2021年價跌加碼，接受傳媒訪問曾經說過「李嘉誠應該後悔」、「我嗰幾層空置率係零」，似乎對香港資產買入價及長線收租策略相當滿意，但2020年以來受房地產市場大插水，2024年，湯文亮最新在其Facebook專頁上宣布：「太多雜音，為免影響公司銷售策略，收筆一年。」，引得網民嘆，冇咗好多笑料。[4]而早年低價買入商業資產的一眾「神級投資者」，往年受惠寬鬆環境風口，物業資產起飛暴升，但若果未能在高峰期沽貨走人，終跌落神壇，因手中操作嘅中環蝕賣，也成單一樓面輸得最多紀錄保持者[5]，2025年，湯家家姐、紀惠集團主席廖湯慧靄近年以24亿美金身家位列富豪榜第35位，比去年下跌10位，身家縮水9億美金（約70億港幣），湯家家族身家大幅蒸發[6]。
個人榮譽
[編輯]社會公職
[編輯]- 香港浸會大學諮議會榮譽委員（2014-2023）
- 香港浸會大學諮議會成員（2023-現任）
- 香港浸會大學校友會會長（2023-現任）
個人著作
[編輯]| 書名 | 著作形式 | 出版年 | 出版地 | 出版社 |
| 物業投資筆記(1)──逢三退一 | 湯文亮著 | 2015 | 香港 | 亮光文化有限公司 |
| 細價樓爆煲論之始末因由 | 湯文亮著 | 2015 | 香港 | 天窗出版社有限公司 |
| 細價樓爆煲論之危中有機 | 湯文亮著 | 2016 | 香港 | 天窗出版社有限公司 |
| 角動量守恆 | 湯文亮著 | 2016 | 香港 | 亮光文化有限公司 |
| 破解樓市之謎 | 湯文亮著 | 2017 | 香港 | 明報出版社有限公司 |
| 辣招如何扭曲樓市 | 湯文亮著 | 2017 | 香港 | 明報出版社有限公司 |
| 樓市逆轉勝 | 陸振球,湯文亮著 | 2019 | 香港 | 明報出版社有限公司 |
| 庶民經濟學：買樓者言 | 湯文亮著 | 2019 | 香港 | 天窗出版社有限公司 |
| 經濟午餐 | 湯文亮,何民傑著 | 2022 | 香港 | 明文出版社 |
政治立場同爭議
[編輯]湯文亮曾經多次發表一啲親中嘅政治觀點，有時會混雜假新聞，佢又喺中美貿易戰經常喺報紙專欄撰文力撐中國[10]，呢啲亦同環繞佢嘅爭議有唔少關係。
針對《香港人權及民主法案》嘅言論
[編輯]喺2020年3月9號，美股大幅下跌，湯文亮喺個人社交網站嗰度話，係因為佩洛西為咗幫香港社運人士而推出《香港人權與民主法案》所致，結果引起網民唔少批評，而美股股價亦喺第二日反彈[11]。另外，佢又曾經喺2020年3月10號話，如果美國喺半年內實施人權法，佢就「將個file吞落肚」。去到8月7號，美國宣布制裁11名侵犯香港人權自由嘅中港官員，佢就話制裁無關人權法，叫人唔好話佢輸[10][12]，於是佢從此得到「快勞湯」嘅名稱 (「快勞」即係英文「file」嘅港式粵語讀法)。
否認新疆維吾爾族人人權問題
[編輯]喺2021年3月29號，佢喺地產資訊網發表文章，否認新疆維吾爾族人種族滅絕問題，又話佢哋喺棉花田工作全部都係自願，唔係被逼奴役，歐美政府話幫佢哋其實係害咗佢哋。佢仲話，美國搵唔到證據證明新疆維吾爾族人種族滅絕嘅問題[13]。
發佈17萬BNO移英港人回流假新聞
[編輯]喺北京未經香港人同意強行訂立《港版國安法》之後，英國政府推出咗BNO簽證幫助香港人。湯文亮喺2023年4月發佈假新聞，話有17萬香港人攞住簽證之後回流，但之後被事實查核實驗室嘅人查證講法唔正確[14]。
攷
[編輯]- 1 2 〈香港浸會大學 – 湯文亮〉 (繁體中文)。香港浸會大學。原著喺2021年4月20號歸檔。喺2021年4月20號搵到。
- 1 2 〈湯文亮〉。《新傳網》 (美國英文)。喺2021-04-02搵到。
- ↑ 〈地產新聞及樓市分析 | 地產站 Property Station〉。ps.hket.com。喺2026-01-06搵到。
- ↑ 香港財經時報 (2024-11-20)。〈湯文亮：為免影響公司銷售策略 收筆一年！網民：冇咗好多笑料〉。《香港財經時報 HKBT》 (香港中文)。喺2026-01-06搵到。
- ↑ 李明珠 (2025-05-21)。〈紀惠湯文亮第一滴血！腰斬五成賣中環地舖 曾指睇好中環街市活化〉。《香港01》 (香港中文)。喺2026-01-06搵到。
- ↑ 李煥好 (2025-12-22)。〈叫價5.2億無人吼！紀惠終「跪低」劈四成 赤柱灘道豪宅3.1億走貨〉。《香港01》 (香港中文)。喺2026-01-06搵到。
- ↑ 〈歷屆得獎名單〉 (繁體中文)。世界傑出華人獎。原著喺2020年2月17號歸檔。喺2021年4月20號搵到。
- ↑ 蔡偉南 (2025-04-19)。〈湯文亮中環中心接火棒、硬食回力鏢 家姐身家縮水四成｜財經解密〉。《香港01》 (香港中文)。喺2026-01-06搵到。
- ↑ 〈湯文亮爆7.6億買中環中心全層真相 「家姐唔想個牙醫被逼遷」 - 香港文匯報〉。paper.wenweipo.com。喺2026-01-06搵到。
- 1 2 〈浸大院士湯文亮曾諾若美國實施人權法則「將個file吞落肚」 疑走數兼Del post| 港語學︱浸大山神〉 (臺灣中文)。2020-08-08。喺2021-04-02搵到。
- ↑ 〈美股大跌 紀惠CEO湯文亮：因通過香港人權及民主法案 | 立場報道 | 立場新聞〉。《立場新聞 Stand News》 (英文)。原著喺2021-01-19歸檔。喺2021-04-02搵到。
- ↑ 〈【我無輸】網民要求找數「吞file」 湯文亮：制裁無關人權法 ｜ 蘋果日報〉。《Apple Daily 蘋果日報》 (香港中文)。原著喺2021-01-31歸檔。喺2021-04-02搵到。
- ↑ 〈美國幾時會用人權法制裁香港人 - 湯文亮〉。www.property.hk。喺2021-04-02搵到。
- ↑ 〈網傳「17萬BNO移英港人回流」，英官方數據證說法不可能成立｜Factcheck Lab〉。《Factcheck Lab 事實查核實驗室》 (香港中文)。2023-04-30。喺2023-05-10搵到。