漢冶萍公司
漢冶萍公司，又稱漢陽鐵廠，係晚清由張之洞創辦嘅一間根基響湖北嘅鋼鐵企業，1890年成立。專門生產製造鋼軌同生鐵。工廠每年所產出嘅鋼鐵，一般係賣去美洲西雅圖（舊譯捨路埠）或者澳洲；歐戰（第一次世界大戰）嗰時都係賣去日本[1]。
史
[編輯]湖北漢陽鐵廠
[編輯]光緒十六年（1890年）成立。
光緒廿二年（1896年），盛宣懷接辦湖北漢陽鐵廠。同年，首次向日商借款。
光緒廿四年（1898年），開辦萍鄉煤礦時，亦向日商借款。
光緒廿五年（1899年），伊藤博文來華時提議用日本嘅煤焦換取漢冶萍嘅礦石。
光緒廿八年至光緒卅二年（從1902年到1906年），向日商借款約300幾萬兩白銀（425萬日圓）。
漢冶萍煤鐵廠礦公司
[編輯]光緒卅四年（1908年），湖北漢陽鐵廠、大冶鐵礦、同萍鄉煤礦三者合併成中國第一間鋼鐵煤聯合企業——漢冶萍煤鐵廠礦公司。但募股唔順利，不得不向日商貸款，傾唔成。從1908年到辛亥革命，漢冶萍公司借外債12次，其中借日本人嘅有6筆。
光緒卅四年（1908年），廣東東莞人王勳成爲漢冶萍公司商務所長。
民國元年（1912年）2月2日，中華民國臨時政府同三井物產株式會社等兩方代表相互認可並簽字完成《日本合辦漢冶萍合同》嘅第三份合同。合同列明，三井物產株式會社代替漢冶萍公司備款日金二百五十萬元，借畀中華民國政府。並提及漢冶萍公司須以「大冶鐵礦」作抵押，該款將由三井物產交付中華民國政府，所有兌換匯水，都由三井物產自行自定。借款以一年為期，年息七厘，每半年畀息一次，最後畀息還本。凡係關於呢筆款項嘅事，均由三井物產株式會社經理。
民國元年（1912年）秋天，盛宣懷返到上海，喺上海租界中繼續主持輪船招商局同埋漢冶萍公司。
民國七年（1918年），廣東東莞人王勳任漢口嘅揚子機器公司（Yangtsze Engineering Works）商務所長。
喺北洋政府統治時期，漢陽鋼鐵廠年鋼產量5萬噸。1919年漢陽鋼鐵廠1、2號高爐停產。1921年北洋政府改變鋼軌標準，造成漢陽鐵廠近5萬噸鋼軌無銷路頓失。1925年該廠停止生產。喺國民政府統治十幾年間始終冇恢復生產，惹起爭議[2][3][4]。
抗戰爆發，間廠搬去四川巴縣大渡口，改屬中國國民黨黨營事業，正名為中國國民黨軍政部兵工署第29兵工廠。
改建
[編輯]1958年，武漢鋼鐵廠成立，成功接收武漢市漢陽鋼鐵廠嘅遺留物資。後來成為武漢鋼鐵（武鋼集團）。
文獻
[編輯]- ↑ 三民主義/民生主義第一講
- ↑ 車維漢：近代日本與中國大冶鐵礦
- ↑ 張之洞與漢陽鐵廠 互聯網檔案館嘅歸檔，歸檔日期2016年3月4號，.—新華網
- ↑ 全漢昇先生喺佢嘅《漢冶萍公司史略》中指出，民國成立以來，內亂時發，漢陽鐡廠每每爐毀敷停，萍鄉煤礦常因戰事停工，大冶鐡礦屢被迫向地方政府捐款。此外第一次世界大戰結束後，鋼鐵價格暴跌，漢冶萍公司走向衰落。1919年漢陽鐵廠1、2號高爐停產，1921年北洋政府改變鋼軌標準，造成漢陽鐵廠近5萬噸鋼軌無銷路。至此漢陽鐵廠鍊鋼部分全部停產，並日趨衰落。
- 全漢昇著，《漢冶萍公司史略》，香港中文大学出版社，1972年
- 「1918年9月漢陽鐵廠技術人員名單」(華員)：制鋼股副股長楊卓，雲巖，江蘇上海，32歲，民國二年八月到差，月支薪393元，畢業於里海大學。方一兵編.《漢冶萍公司與中國近代鋼鐵技術移植》.科學出版社,2010.09.第69.72頁方一兵編.《漢冶萍公司與中國近代鋼鐵技術移植》.科學出版社,2010.09.第69.72頁
- 《中日民四條約》附十：關於漢冶萍事項之換文
