漢語水平考試

漢語水平考試（又稱中國漢語水平考試；官方英文簡寫HSK（取自漢語拼音Hànyǔ Shuǐpíng Kǎoshì））係為測試母語唔係漢語嘅人士（包括外國人、華僑同中國國內少數民族人員）嘅漢語水平而設立嘅官方國家級標準化考試。

漢語水平考試由北京語言大學漢語水平考試中心設計研製，包括基礎漢語水平考試（簡寫HSK（基礎）），初、中等漢語水平考試（簡寫HSK（初、中等））同埋高等漢語水平考試（簡寫HSK（高等））。漢語水平考試每年定期喺中國國內同埋海外舉辦，凡考試成績達到規定標準，可獲得相應等級嘅《漢語水平證書》。考試由中國教育部國家漢語考試委員會全權指導，並頒發漢語水平證書。