澳洲新快報

《澳洲新快報》係一份已經停刊嘅澳洲中文傳媒，係澳洲華裔商人周澤榮嘅僑鑫集團旗下，停運前總部位於雪梨車士活區（Chatswood）。

佢哋喺2019年已經終止咗報章業務，而喺2021年3月29日，佢哋公司網站宣布，因為業務全面轉型，停止更新《澳洲新快網》。

政治立場

前中共駐悉尼總領事館政治領事、一等秘書陳用林喺2016年接受新唐人電視台訪問嘅時候，就形容創辦呢份報紙嘅周澤榮本身就係紅頂商人，創辦呢份報紙完全係擦中共鞋。佢又提到，好多其他澳洲嘅中文媒體，甚至係部份主流媒體，都已經被中共滲透。