澳門農曆新年花車巡遊匯演

澳門農曆新年花車巡遊匯演係澳門特別行政區政府旅遊局喺每年農曆新年舉辦嘅賀歲花車巡遊活動，第一次搞係2012年，特色係分開兩日搞，通常第一日係大年初三，第二日係之後嗰個禮拜六或者禮拜日。每年巡遊都會用嗰年生肖命名，譬如2018年狗年叫「旺財狗年花車巡遊匯演」。每年節目都由香港無綫電視翡翠台安排錄影後喺香港同澳門播出。