澳門選舉

澳門選舉制度係嚟自葡萄牙統治澳門嗰時建立嘅。

由來

葡萄牙爆發革命之後推翻薩拉查統治嘅獨裁政權，之後葡萄牙政府就話實行「非殖民化」嘅政策，葡萄牙被逼放棄晒海外啲殖民地，搞到世界上好多嗰葡萄牙屬地都紛紛從葡萄牙獨立出嚟，繼安哥拉同莫三鼻給獨立之後，葡萄牙承認澳門唔係葡萄牙嘅殖民地，而係葡萄牙幫中國管理澳門，係特殊地區嚟，唔再將澳門當為殖民地或者叫「澳門省」，而係另行制定一份同澳門特殊情況適應嘅章程」，即係《澳門組織章程》，而呢份嘢就係奠定咗今後澳門選舉發展同規模。

份嘢入面嘅有關選舉大致內容：

• 澳門每四年選一次立法會議員。
• 澳門立法會選舉制度係用漢狄法，即係第一個候選人攞到嘅票數除一，第二個就除二，第三個就除三，一直咁計落去。
• 澳門立法會有一定數量議員由澳督委任。

之後一直到1992年嘅立法會選舉有民主派嘅第三個候選人都贏出，之後立法會多個政黨就拎呢份嘢出嚟修法，將漢狄法改良，以等比方法嚟除候選人得票，即係由第三個候選人開始就除四，第四個就除八，第五就除十六，即1、2、4、8、16、32...，一直咁計落去。

1999年12月20號澳門回歸，之後就由《澳門基本法》取代《澳門組織章程》，選舉大容大致一樣，只係畀人改咗小小嘢，由澳督委任一定數量議員改由行政長官委任，同時亦增加咗四大界別嘅選舉委員會嚟選澳門行政長官。

2012年8月29號立法會通過政改，又畀人叫做加二加二加一百，即係由2013年立法會選舉同2014年行政長官選舉開始，立法會直選加兩席、間選加兩席，行政長官選舉委員會成員加多一百人落去。

攷

• 《澳門組織章程》
• 《澳門基本法》