火咀

火花罅 嘅 電火花

火咀（有時寫做 火嘴，Spark Plug；英式英文有時稱為 sparking plug ，就咁嗌 plug）係種幫引擎嘅點火元件。火咀將 點火系統 產生嘅電 送到「火花點火式」引擎燃燒室，產生火花，點著，喺密封 引擎氣缸之內嘅，汽化咗嘅燃油。

火嘴由一個有螺絲紋嘅金屬殼、一個 陶瓷絕緣體，以及一支 中央電極 組成。中央電極同金屬外殼之間由陶瓷絕緣體隔開，用 高絕緣電線連 接到 點火線圈（ignition coil）或者 磁電機（magneto）嘅輸出端；一啲中央電極裏面裝有電阻。

將金屬殼 扭入 引擎 氣缸蓋（cylinder head），令 引擎本身 接地。中央電極 穿過 陶瓷絕緣體 伸入 燃燒室，同喺 金屬殼尾尾 嘅 側電極（side electrode）或 接地電極（ground electrode）之間，形成一個 火花罅（spark gap）。一通電，就會有 電火花 。

火嘴除咗用作點火之外，亦可以有其他用途。例如喺 Saab 嘅 Direct Ignition 系統中，當火嘴唔需要點火時，可以用嚟量度汽缸內氣體嘅電離情況。系統會利用量度到嘅離子電流 取代 傳統凸輪軸位置感應器、爆震感應器 同 失火偵測等功能 。

另外，火嘴亦會應用喺工業爐等設備之中，只要需要點燃可燃燃油／空氣混合物嘅場合，都可以見到類似裝置。喺呢啲應用入面，佢哋有時會叫做「火焰點火機」（flame igniter）。

史

一八六〇年，Étienne Lenoir 喺佢研製嘅煤氣引擎上用電火花火嘴。呢部引擎係歷史上第一款內燃活塞引擎，而 Lenoir 一般亦視為火嘴嘅發明者 。

早期與火嘴相關嘅專利包括：

• Nikola Tesla 喺1898年取得嘅美國專利 609,250（點火時間控制系統）；
• Frederick Richard Simms 喺一八九八年申請嘅英國專利 GB 24859/1898；
• Robert Bosch 於一八九八年申請嘅英國專利 GB 26907/1898。

不過，直到一九〇二年，Bosch 旗下工程師 Gottlob Honold 成功研製出首款具商業實用價值、配合磁電機點火系統使用嘅高壓火嘴之後，火花點火式引擎先得以廣泛發展。

其後火嘴嘅設計同生產技術持續改良，相關貢獻者包括 Albert Champion 、Oliver Lodge 嘅個仔 Lodge 兄弟、創立 KLG 牌子嘅 Kenelm Lee Guinness，以及喺一九三〇年代為火嘴絕緣體技術作出重要貢獻嘅 Helen Blair Bartlett 。