《烏蘇里船歌》係根據赫哲族民歌曲調改編出嚟、由民歌歌唱家郭頌唱嘅歌。呢隻歌好有中國東北地方色彩，被認為係地道嘅赫哲族新民歌[1]，同埋已經做咗赫哲族嘅文化象徵同標誌。
赫哲族係以漁獵做主要生產方式嘅民族，扒艇、捉魚係佢哋主要嘅勞動工作。《烏蘇里船歌》嘅旋律同節奏形態特徵，都顯示嗮漁獵生產勞動嘅記錄。《烏蘇里船歌》用赫哲族民歌調嘅核心風格——「波浪型」旋律線條為主[1]，級進同跳進結合，畀人有種波浪起伏、浪花滾滾嘅感覺。
呢隻歌亦將「赫呢哪」調入面嘅襯詞用到去嫁令闊嘅調入面[2]。
- ↑ 1.0 1.1 孔卓 (2014)。〈《烏蘇里船歌》賞析〉。《藝海》 (1): 105–106。
- ↑ 吳璇 (2015)。〈《烏蘇里船歌》與《狩獵的哥哥回來了》平行比較〉。《北方音樂》 (23): 20。
