無黨團結聯盟

出自維基百科,自由嘅百科全書

無黨團結聯盟中華民國政黨,簡稱無盟,喺2004年成立,最初由台灣唔同嘅地方勢力組成,例如澎湖嘅林炳坤、嘉義市嘅張博雅同台中嘅顏清標等。

[編輯]

無黨團結聯盟喺2004年6月15號成立,由當時10個立委組成,後來民進黨嘅朱星羽加入。第一任黨主席係張博雅。年尾嘅立委選舉係無盟第一場選舉,佢哋派咗26個人去選區域立委、5個全國不分區侯選人同1個僑居侯選人,最後只係得6人當選。之後無盟嘅選舉成績一直都唔係咁好,2005年嘅任務型國大選舉、地方選舉等都唔係太多人當選。

到2008年立委選舉,由於選舉制度大變,對無盟呢類黨仔好不利,最後無盟同國民黨傾掂數,無盟出選嘅5人入面,國民黨禮讓無盟4席,另外本來係無盟成員,但呢屆用獨立身份參選嘅蔡豪都有國民黨禮讓。最後無盟贏咗3席,符合組黨團嘅最低要求,亦都係當時嘅第三大黨。

2012年立委選舉,3個連任嘅立委當中,林炳坤輸咗,結果淨低2席,到2013年無盟嘅立委顏清標貪污案罪成,重要褫奪公權3年,無盟剩返高金素梅1個立委,之後無盟由高金素梅一個人「單天保至尊」直至2020年。而2015年開始,無盟都同親民黨合組政團。

2019年,做咗無盟主席十年有多嘅林炳坤宣佈因為身體問題退出政壇,跟住高金素梅亦都以獨立身份參選,無盟正式絕跡立法院。

立場[編輯]

無黨團結聯盟雖然一直標榜「中道力量」,但係2008年之後,無盟一直都係向泛藍靠攏,無盟嘅立委多數都係喺國民黨禮讓之下先有機會當選,同時無盟嘅立委亦都同中共方面有互動,尤其以原住民立委高金素梅最多,2009年莫拉克風災嗰陣,高金素梅去咗訪問中國,而且返嚟嗰陣重攞住1億新台幣風災捐款,結果不分藍綠都批評佢嘅行為,後來佢甚至受中共邀請去北京度睇閱兵。