牛眼

牛頭牛眼

解剖嘅牛眼

解剖嘅牛眼

牛眼係牛嘅眼。喺牛頭嘅面部，雙眼並排，好大隻（「牛噉眼」），係做解剖實驗嘅首選 。

牛同牛公嘅眼喺科學上有好幾項有趣特徵。佢哋嘅眼球嘅瞳孔係橢圓形，而且橫向拉長，可以增加水平視野，方便掃視地平線。視野大約有 300–330 度，令牛更易察覺到周邊嘅刺激。位置兩邊，其視覺對垂直同水平刺激嘅敏感度都唔同，反映出視覺構造同行為需要嘅關聯 。

牛屬於兩色視覺（dichromatic），即係視網膜只有兩種錐細胞，而唔似人類嗰種三色視覺。呢種視覺令牛可分辨藍色同綠黃色系，但對紅綠等顏色敏感度較低，顯示其色覺偏重功能性，而唔係色彩豐富度 。

牛嘅眼白顯示量（visible eye whites）同其情緒狀態有關。研究發現，喺高刺激（興奮或挫折）情況下，牛眼可見嘅眼白比例會增加，反映其可能處於好興奮；或者好緊張嘅狀態；相反喺放鬆或正面情緒時，眼白減少。呢啲發現，睇眼白都可以評估動物狀況，繼而評估動物福利，仲唔使做侵入性測試 。