牧童笛

唔同種類嘅牧童笛

牧童笛（Recorder），有人會叫佢木笛或者直笛，係樂器一種。佢屬於木管樂器，係條直身長管，唔使靠簧來發聲，同哨子差唔多。笛嘴有吹口，笛身有八個窿，另有兩個細窿響尾個兩窿整半音，笛身頭上有個尖板嘅開口。係由口吹氣過笛嘴嘅窄管，窄管嘅氣撞落尖板，令到空氣振盪。笛身窿就用嚟控制音高。

牧童笛嘅歷史悠久，依家保存到最耐嘅牧童笛係14世紀。更加古老嘅西洋畫上面有類似嘅笛，不過最早幾時出現重未有定論。牧童笛曾經風行幾個世紀，曾經組成78支笛嘅樂團。去到18世紀先至沒落。直至到成20世紀，同唔少古樂器一樣，俾人搵出來推廣。家下係好流行嘅教學樂器。

古代唔少作曲家會將牧童笛同雀或牧童拉上關係，所以叫牧童笛。

一般牧童笛指法

音（大調）	巴洛克指法（上至下）
C	●┃●●●┃●●●┃●
C# / D♭	●┃●●●┃●●●┃◐
D	●┃●●●┃●●●┃○
D# / E♭	●┃●●●┃●●◐┃○
E	●┃●●●┃●●○┃○
F	●┃●●●┃●○●┃●
F# / G♭	●┃●●●┃○●●┃○
G	●┃●●●┃○○○┃○
G# / A♭	●┃●●○┃●●◐┃○
A	●┃●●○┃○○○┃○
A# / B♭	●┃●○●┃●○○┃○ 或 ●┃○●●┃●○○┃○
B	●┃●○○┃○○○┃○ 或 ●┃○●●┃○○○┃○
高音C	●┃○●○┃○○○┃○
高音C# / D♭	○┃●●○┃○○○┃○ 或 ●┃○○○┃○○○┃○
高音D	○┃○●○┃○○○┃○
高音D# / E♭	○┃○●●┃●●●┃○
高音E	◐┃●●●┃●●○┃○
高音F	◐┃●●●┃●○●┃○
高音F# / G♭	◐┃●●●┃○●○┃○
高音G	◐┃●●●┃○○○┃○
高音G# / A♭	◐┃●●○┃●○○┃○
高音A	◐┃●●○┃○○○┃○
高音A# / B♭	◐┃●●○┃●●●┃○
高音B	◐┃●●○┃●●○┃○
超高音C	◐┃●○○┃●●○┃○
超高音C# / D♭	◐┃●○●┃●○●┃●
超高音D	◐┃●○●┃●○●┃○