特修斯嘅船

出自維基百科,自由嘅百科全書
跳去導覽 跳去搵嘢

特修斯嘅船(英語:ship of Theseus),又叫特修斯悖論,係一種同一性悖論。1世紀嗰陣嘅希臘作家普魯塔克提出咗呢個問題:「如果特修斯嘅船上面啲木頭逐漸畀人替換,直到所有嘅木頭都唔係本身嗰啲木頭,噉呢艘船重係唔係本身嗰艘船呢?如果話係,但係佢已經冇晒當初嗰艘船嘅任何一舊木頭;如果唔係,噉佢又係幾時開始變咗第二艘船呢?」呢類問題依家就畀人叫做「特修斯嘅船」。