牽羊禮

「牽羊禮」係宋朝時期，金國既一種令人生畏、有嚴重侮辱性既受降儀式。喺儀式度，俘虜會俾人剝晒衫，赤裸上身，披著羊皮，喺頸上面綁繩，好似羊咁樣，俾人拖住遊街。

兩個宋朝皇帝同埋貴族就曾經受過呢種侮辱，而欽宗既皇后朱氏，當年只得26歲，又生得好靚，受唔住「牽羊禮」既屈辱，自殺死咗。

歷史

靖康之亂，金兵打贏咗宋軍，有14000人俾金兵俘虜咗，包括宋微宗同埋佢個仔宋欽宗都俾金兵俘虜咗。佢哋俾金兵分成七批，押去北方燕山。第一批係宗朝皇室同埋佢哋既親戚、男丁、女眷總共大約6000人。而呢批俾金兵押去燕山人，途中死咗一大半。到埗之後，大部分女眷俾金人送去軍營做軍姬，另外300個靚啲既年輕皇親貴族女仔，就去咗浣衣院做官妓。