獅子狗卷

出自維基百科,自由嘅百科全書
跳去導覽 跳去搵嘢
一條獅子狗卷

獅子狗卷,又叫獅子狗魚蛋,簡稱獅子狗,係加咗工嘅魚肉卷。空心圓柱狀,或管狀,直徑2厘米,長4-6厘米。頭尾淺色,中間啡色同啲皺紋狀表面,睇落似燒過。其實佢係日本食物,叫做竹輪,讀做ちくわ或者拼做chikuwa。而家可以買到嘅大多數用機造,唔同傳統用竹筒燒嘅造法。

獅子狗卷因為夠平、唔肥又多蛋白質,亦都畀人拎來做狗糧

名嘅由來[編輯]

獅子狗卷唔係獅子狗肉。喺1980年代無綫電視兒童節目時間播一套日本配音卡通忍者小靈精》,裏面嗰隻獅子狗最鍾意食呢種嘢。當時嘅香港人完全未見過,唔認識,後來可以買到,嗰樣同卡通畫嘅一模一樣,呢個印象深入民心,之後好多人都叫呢隻嘢食做獅子狗卷。

名嘅誤用[編輯]

2019年7月,有網民借「獅子狗」諧音創作詞語「撕紙狗」,揶揄無幾耐之前喺大埔撕走示威紙標貼香港警察。好快,香港吉野家嘅面書網站登咗個相關嘅灰諧商業廣告,內文係「想食獅子狗,唔只大埔有。嘢可以亂食,名唔可以亂叫」。之後餐廳老總洪明基話畀香港《文匯報》知,撑警嘅渠對呢單嘢「極為憤怒」兼「非常痛心」,已經同負責嘅外判廣告公司解咗約,負責廣告事務嘅公司員工亦都炒埋魷魚[1]

[編輯]